சென்னை விமான நிலை​யத்​தில் ரூ.14.2 கோடி போதை​ பொருள் பறிமுதல்: கென்யா நாட்டு பெண் கைது

சென்னை: சென்னை விமான நிலை​யத்​தில் ரூ.14.2 கோடி மதிப்பு​டைய, 14.4 கிலோ கொக்கைன் போதைப்​பொருள் பறிமுதல் செய்யப்​பட்​டது. இது தொடர்பாக கென்யா நாட்டு பெண் கைது செய்​யப்​பட்​டார். ஆப்பிரிக்கா நாடான எத்தி​யோப்பியா தலைநகர் அடீஸ் அபாபா​வில் இருந்து எத்தி​யோப்​பியன் ஏர்லைன்ஸ் பயணிகள் விமானம் சென்னை வந்தது. அந்த விமானத்​தில் வந்த பயணி​களை​யும், அவர்​களின் உடைமைகளை​யும் சுங்கத்​துறை அதிகாரிகள் சோதனை செய்​தனர்.

அப்போது கென்யா நாட்​டைச் சேர்ந்த 35 வயதுடைய பெண் பயணி ஒருவர் சுற்றுலா விசா​வில் வந்தார். அவர் மீது அதிகாரி​களுக்கு சந்தேகம் ஏற்பட்​டது. அவரிடம் விசா​ரித்த​போது, அவர் முன்னுக்​குப்​பின் முரணாக பேசி​ய​தால், அவரை சுங்​கத்​துறை அலுவல​கத்​துக்கு அழைத்​துச் சென்று விசாரணை நடத்​தினர்.

90 கேப்சூல்கள்: மேலும், அவரது வயிறு வழக்​கத்​துக்கு மாறாக பெரிதாக இருந்​த​தால், சந்தேகம் அடைந்த அதிகாரிகள் எக்ஸ்ரே எடுத்து பார்த்த​போது, வயிற்றுக்​குள் அதிக அளவிலான கேப்​சூல்கள் இருந்தது தெரிய​வந்​தது. இதையடுத்து, அந்த பெண் பயணியை அரசு மருத்​துவ​மனைக்கு அழைத்​துச் சென்று, இனிமா கொடுத்து வயிற்றுக்​குள் இருந்த 90 கேப்​சூல்களை வெளியே எடுத்​தனர். அந்த கேப்​சூல்களை அதிகாரிகள் உடைத்து சோதனை செய்​த​போது, அது விலை உயர்ந்த கொக்கை​ன் போதைப்​பொருள் என்பது தெரிய​வந்​தது.

ரூ.14.2 கோடி மதிப்புள்ள 1 கிலோ 424 கிராம் எடை கொண்ட போதைப்​ பொருளை பறிமுதல் செய்த அதிகாரி​கள், பெண் பயணியை கைது செய்து சுங்​கத்​துறை அலுவல​கத்​துக்கு அழைத்து வந்து விசாரணை செய்​தனர். விசா​ரணை​யில், சர்வதேச அளவில் போதைப்​பொருள் கடத்​தும் கும்​பலுடன் தொடர்பு இருப்​பதும், ஏற்கெனவே மும்பை, டெல்லி உள்ளிட்ட இடங்​களுக்கு வந்து சென்​றிருப்​பதும் தெரிய​வந்​தது. இதையடுத்து, அவர் நீதி​மன்​றத்​தில் ஆஜர்​படுத்​தப்​பட்டு சிறை​யில் அடைக்​கப்​பட்​டார். சென்னை​யில் அவர்யாரிடம் போதைப்​ பொருளை கொடுக்க வந்தார் என்பது குறித்து அதிகாரிகள் தொடர்ந்து விசாரணை நடத்தி வருகின்​றனர்.

7.6 கிலோ கஞ்சா பறிமுதல்: இதேபோல், தாய்​லாந்து தலைநகர் பாங்​காக்​கில் இருந்து கடத்தி வரப்​பட்ட ரூ.76 லட்சம் மதிப்புள்ள 7.6 கிலோ பதப்​படுத்​தப்​பட்ட கஞ்சாவை நேற்று முன்​தினம் சுங்​கத்​துறை அதிகாரிகள் பறிமுதல் செய்​தனர். கடத்​தலில் ஈடுபட்ட நபர் கைது செய்​யப்​பட்​டார். மேலும், துபா​யில் இருந்து கடத்தி வரப்​பட்ட ரூ.1.28 கோடி ம​திப்புள்ள 1.7 கிலோ தங்​கம் பறி​முதல் செய்யப்பட்​டது. கடத்​தலில் ஈடு​பட்ட பயணி மற்​றும்​ ​விமான கேபின்​ க்​ரூ ஊழியர்​ கைது செய்​யப்​பட்​டனர்​.