சென்னை | மூதாட்டியிடம் வழிப்பறி: வங்கி ஊழியர்கள் கைது

சென்னை: மயிலாப்​பூர் விஎஸ்வி கோயில் தெருவை சேர்ந்​தவர் சகுந்தலா (64). இவர் கடந்த 30-ம் தேதி தனது வீடு அருகே வந்து கொண்​டிருந்​தார். அங்கு இருசக்கர வாகனத்​தில் வந்த 2 பேர், அவரது 3 பவுன் சங்கி​லியை பறித்​துக் கொண்டு தப்பினர்.

புகாரின்​பேரில், மயிலாப்​பூர் போலீ​ஸார் வழக்கு பதிவு செய்து விசாரணை நடத்​தினர். இதில், வழிப்​பறி​யில் ஈடுபட்டது மதுரையை சேர்ந்த முகமது ஷேக் சிக்​கந்தர் (24), திண்​டுக்​கல்லை சேர்ந்த பர்வேஸ் முஷ்ரப் (23). மேற்கு சைதாப்​பேட்டை அருணாசலம் தெரு​வில் வசிக்​கும் இருவரும் தனியார் வங்கி​ ஊழியர்கள் என்று தெரிய​வந்​தது. 2 பேரும் கைது செய்​யப்​பட்​டனர்.