சென்னை | போதைப் பொருள் காரில் கடத்தல்: 2 பேர் கைது

சென்னை: ​வண்ணாரப்​பேட்டை சிபி சாலை, சுரங்​கபாலம் அருகே காரில் விலை உயர்ந்த மெத்​தம்​பெட்​டமைன் என்ற போதைப்​பொருள் கடத்​தப்​படு​வதாக வண்ணாரப்​பேட்டை காவல் நிலைய தனிப்படை போலீ​ஸாருக்கு ரகசிய தகவல் கிடைத்​தது. இதையடுத்து தனிப்படை போலீ​ஸார் அங்கு சென்று கண்காணிப்​பில் ஈடுபட்​டனர்.

அப்போது, அந்த வழியாக வந்த காரை சோதித்த​போது அதில் மெத்​தம்​பெட்​டமைன் போதைப் பொருள் பதுக்கி வைத்​திருந்தது தெரிந்​தது. அதை பறிமுதல் செய்த போலீ​ஸார் காரிலிருந்த ராயபுரம், மரிய​தாஸ் தெரு​வைச் சேர்ந்த பஷீர் அகமது (51), வளசரவாக்கம், திருப்பதி நகர் 1-வது தெரு​வைச் சேர்ந்த ஹரிஷ்பாபு (50) ஆகிய இருவரை கைது செய்​தனர். மேலும், அவர்களிடமிருந்து 2 செல்​போன்கள் மற்றும் கார் பறிமுதல் செய்​யப்​பட்​டன.

விசா​ரணை​யில் கைது செய்​யப்​பட்ட பஷீர் அகமது மீது ஏற்கனவே வேளச்​சேரி மற்றும் வண்ணாரப்​பேட்டை காவல் நிலை​யங்​களில்தலா 1 போதைப் பொருள் வழக்குஉள்ளது தெரிய​வந்​தது. கைது செய்​யப்​பட்ட இருவரும் நீ​தி​மன்​றத்​தில் ஆஜர் செய்​யப்​பட்டு சிறை​யில் அடைக்​கப்​பட்​டனர்​.