சென்னை | பிரபல ரவுடி வெள்ளை பிரகாஷ் கைது

சென்னை: பல்வேறு குற்ற வழக்குகளில் தொடர்புடைய ரவுடி வெள்ளை பிரகாஷை கொடுங்கையூர் போலீஸார் கைது செய்தனர். சென்னை எருக்கஞ்சேரியை சேர்ந்த பிரபல ஏ பிளஸ் வகை ரவுடி வெள்ளை பிரகாஷ் (34). இவர் மீது கொலை, கொலை முயற்சி, ஆள் கடத்தல், கட்டப்பஞ்சாயத்து, கஞ்சா கடத்தல், வெடிகுண்டு உள்ளிட்ட பத்துக்கும் மேற்பட்ட வழக்குகள் நிலுவையில் உள்ளன.

குற்றச் செயலுக்கு ஸ்கெட்ச் போட்டுக் கொடுப்பதில் கைதேர்ந்த வெள்ளை பிரகாஷ், ஒரு வழக்கு தொடர்பாக, நீதிமன்றத்தில் ஆஜராக நேற்று காலை சென்னை வந்தார்.

அப்போது, அவரை கொடுங்கையூர் போலீஸார் மற்றொரு வழக்கில் கைது செய்து, நீதிமன்ற காவலில் சிறையில் அடைத்தனர். ரவுடி வெள்ளை பிரகாஷ், ஆம்ஸ்ட்ராங் கொலை வழக்கில் கைதாகி சிறையில் இருக்கும் ரவுடி நாகேந்திரனின் கூட்டாளி என்பது குறிப்பிடத்தக்கது.