ஜிபே மூலம் புதியவகை மோசடி: சைபர் கிரைம் போலீஸார் எச்சரிக்கை 

சென்னை: ஜிபே பெயரில் புதிய வகை மோசடி அரங்கேறி வருவதாகவும், இதில் கவனமுடன் இருக்க வேண்டும் என்றும் தமிழக காவல் துறையின் சைபர் கிரைம் போலீஸார் எச்சரிக்கை விடுத்துள்ளனர்.

இது குறித்து எச்சரித்த சைபர் கிரைம் போலீஸார், 'தற்போது புதிய வகை மோசடி தொடங்கியுள்ளது. யாரோ ஒருவர் தெரிந்தே உங்கள் கணக்குக்கு Google Pay மூலமாக பணம் அனுப்புகிறார், மேலும் உங்கள் பணத்தின் கணக்கில் தவறுதலாக பணம் இருந்ததாக உங்களுக்குத் தெரிவிக்க உங்களை அழைக்கிறார். அதன் பின்னர், தவறுதலாக அனுப்பிய பணத்தை அவர்களின் எண்ணுக்கு திருப்பி அனுப்புமாறு கோருகிறார். நீங்கள் பணத்தை திருப்பி அனுப்பினால், உங்கள் கணக்கு ஹேக் செய்யப்படும்.

எனவே, யாராவது உங்கள் கணக்கில் தவறாகப் பணம் பெற்றிருந்தால் அழைப்பாளரிடம் அடையாளச் சான்றுடன் அருகிலுள்ள காவல் நிலையத்திற்கு வந்து பணத்தைப் பெற்றுக் கொள்ளச் சொல்லுங்கள். இந்த மோசடி ஆங்காங்கே நடைபெற தொடங்கியுள்ளது என்பதை கவனத்தில் கொள்ளவும்” என்று சைபர் கிரைம் போலீஸார் எச்சரித்து உள்ளனர்.