ராம் சரண் நடிக்கும் பான் இந்தியா படம்

நடிகர் ராம் சரண் நடிக்கும் அவரது 16-வது படத்துக்கு 'பெடி' என்று தலைப்பு வைத்துள்ளனர். இதில் ஜான்வி கபூர் நாயகியாக நடிக்கிறார். ஜெகபதி பாபு, திவ்யேந்து சர்மா என பலர் நடிக்கின்றனர். 'உப்பென்னா' படத்தை இயக்கிய புச்சிபாபு சனா இயக்கும் இந்தப் படத்துக்கு ஏ.ஆர்.ரஹ்மான் இசை அமைக்கிறார். ஆர். ரத்னவேலு ஒளிப்பதிவு செய்கிறார். விருத்தி சினிமாஸ் சார்பில் வெங்கட‌ சதீஷ் கிலாரு தயாரிக்கிறார். மைத்ரி மூவி மேக்கர்ஸ் மற்றும் சுகுமார் ரைட்டிங்ஸ் ஆகிய நிறுவனங்கள் இணைந்து வழங்குகின்றன.‌ இப்படத்தின் ‘ஃபிரீ லுக்’ போஸ்டரை படக்குழு வெளியிட்டுள்ளது. இந்தப் படத்துக்காக ராம் சரண் முரட்டுத்தனமான தோற்றத்துக்கு மாறியிருக்கிறார்.