பொங்கலுக்கு வெளியாகிறது விஜய்யின் ஜனநாயகன்!

வினோத் இயக்கத்தில் விஜய் நடிக்கும் படம், ‘ஜனநாயகன்’. இதில் பாபி தியோல், பூஜா ஹெக்டே, மமிதா பைஜூ, கவுதம் வாசுதேவ் மேனன், பிரியாமணி என பலர் நடிக்கின்றனர். அனிருத் இசை அமைக்கும் இந்தப் படம் பாலகிருஷ்ணா நடித்து தெலுங்கில் வெற்றி பெற்ற ‘பகவந்த் கேசரி’ படத்தின் ரீமேக் என்று கூறப்படுகிறது.

நடிகர் விஜய், தமிழக வெற்றிக் கழகம் என்ற அரசியல் கட்சியைத் தொடங்கி இருப்பதால் இதுதான் அவருக்குக் கடைசி படம் என்கிறார்கள். அதனால் இதற்கு எதிர்பார்ப்பு அதிகரித்துள்ளது. இந்நிலையில் இந்தப் படத்தின் வெளியீட்டுத் தேதியை, நடிகர் விஜய் வெளியிட்டுள்ளார். அதன்படி இந்தப் படம் 2026-ம் ஆண்டு பொங்கலுக்கு வெளியாக இருக்கிறது.