-
-
-
Loading
எஸ்.ஏ.சந்திரசேகர், ஒய்.ஜி.மகேந்திரன், சத்யன், பாலாஜி சக்திவேல், ஜார்ஜ் மரியான் என பலர் நடித்துள்ள படம், ‘கூரன்’. ஒரு நாய்க்கான சட்ட உரிமைப் போராட்டத்தைக் கதையாக வைத்து உருவாகி இருக்கும் இப்படத்தை அறிமுக இயக்குநர் நிதின் வேமுபதி இயக்கியுள்ளார். கனா புரொடக்ஷன்ஸ் சார்பில் விபி கம்பைன்ஸ் உடன் இணைந்து இயக்குநர் விக்கி தயாரித்துள்ளார். ட்ரீம் வாரியர்ஸ் நிறுவனம் வெளியிடுகிறது.
இதன் ட்ரெய்லர் வெளியீட்டு விழாவில் எஸ்.ஏ.சந்திரசேகர் பேசும்போது, “என் 45 ஆண்டுகால சினிமா வாழ்க்கையில், இது உண்மையிலேயே வித்தியாசமான படம். இதில் நாய் தான் கதாநாயகன். சில படங்களைப் பார்க்கும்போது கஷ்டமாக உள்ளது. எழுத்தாளன் படைக்கும் பாத்திரங்கள் முன்னோடியாக இருக்க வேண்டும். கத்தியை எடு, தலையைவெட்டு என்று கூறும் படங்களைப் பார்த்துவிட்டு, வெளியே செல்கிறவனும் அதையே செய்து கொண்டிருந்தால் இளைய சமுதாயம் என்ன ஆகும்? அந்த பொறுப்புணர்வு இயக்குநர்களுக்கு வேண்டும். ‘கூரன்’ 2 மணி நேர படம்தான். நேர்த்தியாக இருக்கும்” என்றார்.
