‘ஜல்லிக்கட்டு சாதியப் பாகுபாடும் இழிவான மனநிலை’ - பா.ரஞ்சித்

சென்னை: ஜல்லிக்கட்டிலும் சாதியப் பாகுபாட்டைக் கடைபிடிப்பது இழிவான மனநிலை என்று இயக்குநர் ப.ரஞ்சித் கருத்து தெரிவித்துள்ளார்.

இது குறித்து அவர் வெளியிட்ட கருத்து: “ஜல்லிக்கட்டுக்காகப் போராடிய நாம்தான், அதிலும் சாதி உள்ளது என்றவுடன் மௌனம் காக்கிறோம்! ஜல்லிக்கட்டைத் தடை செய்தபோது, ஒட்டுமொத்த தமிழகமும் போராடிய தருணத்தில், அது எங்கள் சாதிக்கான விளையாட்டு எனச் சொல்வதற்கு எந்த ஆண்ட பரம்பரைக்கும் திராணி இல்லை.

ஆனால், இன்று அது எங்களுக்கான விளையாட்டு எனக் கருதி அதிலும் சாதியப் பாகுபாட்டைக் கடைபிடிப்பது இழிவான மனநிலை என்றே சொல்ல வேண்டும். இதைக் கண்டிக்காமல் கள்ள மௌனம் காக்கும் யாவரும் சாதியவாதிகளே!” என்று பா.ரஞ்சித் கூறியுள்ளார்.