வீரமங்கை வேலு நாச்சியார் பிறந்தநாள்: தவெக தலைவர் விஜய் மரியாதை!

வீரமங்கை வேலுநாச்சியார் பிறந்த தினத்தை ஒட்டி நடிகர், தவெக தலைவர் விஜய் மலர் தூவி மரியாதை செய்துள்ளார்.

நடிகர், தவெக தலைவர் விஜய் வீரமங்கை வேலுநாச்சியார் பிறந்த தினத்தை ஒட்டி அவரது திருவுருவப் படத்திற்கு மலர் தூவி, மாலை அணிவித்து மரியாதை செய்துள்ளார். பனையூரில் உள்ள அலுவலகத்தில் வேலுநாச்சியார் திருவுருவப் படத்திற்கு மரியாதை செய்திருக்கும் புகைப்படத்தை தனது எக்ஸ் பக்கத்தில் பகிர்ந்து, ‘ஆங்கிலேயர்களுடன் சண்டையிட்டுச் சொந்த மண்ணை மீட்டெடுத்து, விடுதலைப் போராட்டத்தில் நாட்டுக்கே முன்னோடியாகப் போர்க்களத்தில் தீரத்துடன் களமாடிய எங்கள் கொள்கைத் தலைவி வீரமங்கை ராணி வேலு நாச்சியார் அவர்களின் பிறந்த தினத்தையொட்டி, சென்னை, பனையூரில் உள்ள எமது கழகத்தின் தலைமை நிலையச் செயலகத்தில் அவரது திருவுருவப் படத்திற்கு மலர் தூவி மரியாதை செலுத்தினேன்.

வீரமங்கை வேலு நாச்சியார் அவர்களது பிறந்த நாளில், பெண்ணுரிமை போற்றுவோம், பெண்களின் நலன்கள் காப்போம், பெண்களின் பாதுகாப்பிற்கு எப்போதும் அரணாக இருப்போம் என்று உறுதி ஏற்போம்’ எனக் குறிப்பிட்டுள்ளார். கடந்த ஆண்டு நடந்த தவெக முதல் மாநாட்டில் பெண்கள் பாதுகாப்பை முன்னிலைப் படுத்தி பேசிய விஜய் வேலுநாச்சியாரையும் தனது பேச்சில் குறிப்பிட்டு பேசியிருந்தார் என்பது குறிப்பிடத்தக்கது.

ஆங்கிலேயர்களுடன் சண்டையிட்டுச் சொந்த மண்ணை மீட்டெடுத்து, விடுதலைப் போராட்டத்தில் நாட்டுக்கே முன்னோடியாகப் போர்க்களத்தில் தீரத்துடன் களமாடிய எங்கள் கொள்கைத் தலைவி வீரமங்கை ராணி வேலு நாச்சியார் அவர்களின் பிறந்த தினத்தையொட்டி, சென்னை, பனையூரில் உள்ள எமது கழகத்தின் தலைமை நிலையச்… pic.twitter.com/iX7YKTM37Q

— TVK Vijay (@tvkvijayhq) January 3, 2025