இயக்குநர் அட்லியின் ‘பேபி ஜான்’ படம் வெளியான மூன்று நாளில் ரூ. 11.25 கோடி வசூல்!

சென்னை: இயக்குநர் அட்லி தயாரித்துள்ள ‘பேபி ஜான்’ படம் ரூ. 10 கோடி வசூலைக் கடந்துள்ளது.

‘ராஜா ராணி’ படம் மூலம் தமிழ் சினிமாவில் இயக்குநராக அடியெடுத்து வைத்த அட்லி, விஜயை வைத்து இயக்கிய படம்தான் ‘தெறி’. கமர்ஷியலாக ஹிட்டான இந்தப் படம் பாலிவுட்டிலும் வருண் தவான், கீர்த்தி சுரேஷ் நடிப்பில் ரீமேக் செய்யப்பட்டு கிறிஸ்துமஸ் பண்டிகை ஸ்பெஷலாக வெளியானது. தமிழில் ‘தெறி’ படத்தை அட்லி இயக்கியிருந்தார். ஆனால், இதன் ரீமேக் வெர்ஷனை இயக்குநர் காளீஸ் இயக்கியிருக்க, அட்லி தயாரித்திருக்கிறார். தமன் இசையமைத்துள்ளார்.

’பேபி ஜான்’ திரைப்படம் வெளியாகி மூன்று நாட்கள் ஆகியுள்ள நிலையில், இதன் வசூல் அப்டேட்டை படக்குழு தற்போது வெளியிட்டுள்ளது. அதன்படி ’பேபி ஜான்’ திரைப்படம் ரூ. 11.25 கோடி வசூல் செய்துள்ளதாக படக்குழு அறிவித்துள்ளது.