உலக செஸ் சாம்பியன் குகேஷை நேரில் அழைத்து பாராட்டிய நடிகர் சிவகார்த்திகேயன்!

இளம் வயது உலக செஸ் சாம்பியனான குகேஷை நேற்று நடிகர் சிவகார்த்திகேயனை அவரது அலுவலகத்தில் நேரில் அழைத்து பாராட்டியுள்ளார்.

கடந்த வாரத்தில் சிங்கப்பூரில் நடைபெற்ற உலக செஸ் சாம்பியன்ஷிப் போட்டியில் தமிழகத்தை சேர்ந்த 18 வயதான குகேஷ் வெற்றி பெற்று இளம் வயது உலக செஸ் சாம்பியன் ஆனார். இவருக்கு ரசிகர்களும் பிரபலங்களும் வாழ்த்துத் தெரிவித்தனர். சென்னை திரும்பிய குகேஷை நடிகர் சிவகார்த்திகேயன் நேரில் அழைத்துப் பாராட்டியுள்ளார்.

குகேஷுடன் அவரது குடும்பத்தினரும் உடன் இருந்தனர். சிறுவயதிலிருந்தே நடிகர் சிவகார்த்திகேயனின் மிகப்பெரிய ரசிகரான குகேஷ் அவரிடமிருந்து மறக்க முடியாத பரிசாக ஒரு விலையுயர்ந்த வாட்ச் பரிசாக பெற்றார்.

குகேஷின் சாதனையை பாராட்டிய சிவகார்த்திகேயன், இது மில்லியன் கணக்கான இளம் இந்தியர்களுக்கான உத்வேகம் என்றார். மேலும், குகேஷின் இந்த வரலாற்று வெற்றியைக் கொண்டாட கேக் வெட்டி சிறப்பித்தார் சிவகார்த்திகேயன்.