-
-
-
Loading
மோகன்லால், மீனா நடிப்பில் கடந்த 2013-ம் ஆண்டு வெளியாகி வரவேற்பைப் பெற்ற மலையாளப் படம் ‘த்ரிஷ்யம்’. ஜீத்து ஜோசப் இயக்கிய இந்தப் படம் தமிழில், கமல்ஹாசன், கவுதமி நடிப்பில் ‘பாபநாசம்’ என்ற பெயரில் ரீமேக் செய்யப்பட்டது. தமிழிலும் வரவேற்பைப் பெற்ற இந்தப் படம் தெலுங்கு, கன்னடம், இந்தி உட்பட பல்வேறு மொழிகளில் ரீமேக் செய்யப்பட்டது.
பின்னர் இதன் இரண்டாம் பாகமும் வெளியாகி வரவேற்பைப் பெற்றது. இதைத் தொடர்ந்து இதன் மூன்றாம் பாகத்தை உருவாக்க இருப்பதாக சில மாதங்களுக்கு முன் இயக்குநர் ஜீத்து ஜோசப் கூறியிருந்தார். இந்நிலையில் நடிகர் மோகன்லாலும் அதை உறுதிப்படுத்தியுள்ளார்.
அவர் அளித்த பேட்டி ஒன்றில், “த்ரிஷ்யம் படத்துக்குப் பிறகு நாடு முழுவதும் மலையாளப் படங்களைப் பார்க்கத் தொடங்கினர். மலையாள சினிமாவை பான் இந்தியா அளவில் கொண்டு சென்றதுக்கு ‘த்ரிஷ்யம்’ படத்துக்கு முக்கிய பங்கு உண்டு. தற்போது அந்தப் படத்தின் மூன்றாம் பாகத்தைக் கொண்டு வரும் முயற்சியில் இருக்கிறோம். கண்டிப்பாக உருவாகும்” என்றார்.
