“கடவுளே கோஷம் என்னை கவலையடையச் செய்கிறது” - அஜித் வேதனை 

சென்னை: “க.... அஜித்தே என்ற இந்த கோஷம்‌ என்னை கவலையடையச்‌ செய்திருக்கிறது. எனது பெயரைத்‌ தவிர்த்து என்‌ பெயருடன்‌ வேறு எந்த முன்னொட்டும்‌ சேர்த்து அழைக்கப்படுவதில்‌ நான்‌ துளியும்‌ உடன்படவில்லை” என நடிகர் அஜித்குமார் தெரிவித்துள்ளார். ‘கடவுளே அஜித்தே’ என்று தனது ரசிகர்கள் பொதுவெளியில் முழங்கி வருவதையே அவர் குறிப்பிட்டுள்ளார்.

இது தொடர்பாக அவர் வெளியிட்டுள்ள செய்தி குறிப்பு: “சமீபமாக முக்கியமான நிகழ்வுகளில்‌, பொதுவெளியில்‌, அநாகரீமாக, தேவையில்லாமல்‌ எழுப்பப்படும்‌ “க.... அஜித்தே" என்ற இந்த கோஷம்‌ என்னை கவலையடையச்‌ செய்திருக்கிறது. எனது பெயரைத்‌ தவிர்த்து என்‌ பெயருடன்‌ வேறு எந்த முன்னொட்டும்‌ சேர்த்து அழைக்கப்படுவதில்‌ நான்‌ துளியும்‌ உடன்படவில்லை. எனது பெயரில்‌ மட்டுமே நான்‌ அழைக்கப்பட வேண்டும்‌ என விரும்புகிறேன்‌.

எனவே, பொது இடங்களிலும்‌ மக்கள்‌ அதிகம்‌ கூடும்‌ இடங்களிலும்‌ அசெளகரியத்தை ஏற்படுத்தும்‌ இந்த செயலை நிறுத்துவதற்கு உங்கள்‌ ஒத்துழைப்பை நான்‌ அன்புடன்‌ வேண்டுகிறேன்‌. என்னுடைய இந்த கோரிக்கைக்கு உடனடியாக மூப்பு கொடுப்பீர்கள்‌ என்று நம்புகிறேன்‌. யாரையும்‌ புண்படுத்தாமல்‌ கடினமாக உழைத்து, உங்கள்‌ குடும்பத்தை கவனித்துக்‌ கொள்ளுங்கள்‌ மற்றும்‌ சட்டத்தை மதிக்கும்‌ குடிமக்களாக இருங்கள்‌. உங்களுக்கும்‌ உங்கள்‌ குடும்பத்தினருக்கும்‌ அழகான வாழ்க்கை அமைய வாழ்த்துக்கள்‌. வாழு& வாழவிடு” என தெரிவித்துள்ளார்.