சத்ரபதி சிவாஜியாக ரிஷப் ஷெட்டி: முதல் தோற்றம் வெளியீடு

மராட்டிய மன்னர் சத்ரபதி சிவாஜி​யின் வாழ்க்கை வரலாற்​றைத் தழுவி புதிய படம் உருவாகிறது. ‘சத்​ரபதி சிவாஜி மகாராஜ்’ என தலைப்பு வைக்​கப்​பட்​டுள்ள இந்தப் படத்தில் ரிஷப் ஷெட்டி சிவாஜியாக நடிக்கிறார். சந்தீப் சிங் இயக்கு​கிறார். படம் 2027-ம் ஆண்டு ஜன. 21-ல் வெளி​யாகும் என அறிவிக்​கப்​பட்​டுள்​ளது. இ​தில் பிரபல பின்னணி பாடகி ஆஷா போஸ்​லே​வின் பேத்தி ஜனாய் போஸ்லே நடிக்க இருப்​பதாக ஏற்கெனவே அறிவிக்​கப்​பட்​டது. சத்ரபதி சிவாஜி​யின் மனைவியான ராணி சாய் போஸ்​லேவாக அவர் நடிக்க இருக்​கிறார். தமிழ், இந்தி, தெலுங்கு உட்பட 5 மொழிகளில் உருவாகும் இந்தப் படத்​தின் முதல் தோற்​றத்தை, எக்ஸ் தளத்​தில் ரிஷப் ஷெட்டி வெளி​யிட்​டுள்​ளார்.

அதில், ‘‘இது வெறும் திரைப்​படமல்ல. வலிமைமிக்க முகலாயப் பேரரசுக்​குச் சவால் விடுத்து, மறக்க முடியாத பாரம்​பரி​யத்தை உருவாக்​கிய​வர் சிவாஜி. அந்த வீரரைக் கவுர​விப்​ப​தற்கான முழக்​கம்” என்று தெரி​வித்​துள்ளார். இயக்​குநர் சந்தீப் சிங் கூறும்​போது, ‘‘இந்தப் பாத்​திரத்​துக்கு ரிஷப் ஷெட்டி தான் எனது ஒரேதேர்வு. சத்ரபதி சிவாஜி மகாராஜின் வலிமை மற்றும் துணிச்சலை ரிஷப் சிறப்பாக வெளிப்​படுத்துகிறார். இந்தப்படம் எனது பல வருடக் கனவு” என்று தெரி​வித்​துள்ளார்.