சீனாவில் வெளியாகிறது ‘மகாராஜா’

விஜய் சேதுபதி, அனுராக் காஷ்யப், மம்தா மோகன்தாஸ், நட்டி, அபிராமி, சிங்கம்புலி உள்ளிட்ட பலர் நடித்துள்ள படம், ‘மகாராஜா’. விஜய் சேதுபதியின் 50-வது படமான இதை நித்திலன் சாமிநாதன் இயக்கியுள்ளார். கடந்த ஜூன் 14-ம் தேதி வெளியாகி வரவேற்பைப் பெற்ற இந்தப் படம், பல்வேறு திரைப்பட விழாக்களில் திரையிடப்பட்டது. ரூ.100 கோடியை தாண்டி வசூலித்துள்ள இந்தப் படம் ஓடிடி-யிலும் வரவேற்பை பெற்றுள்ளது.

இந்நிலையில் இந்தப் படம் சீன மொழியில் டப் செய்யப்பட்டு அங்கு வெளியாகிறது. வரும் 29-ம் தேதி வெளியாகும் இந்தப் படத்தின் போஸ்டரை இயக்குநர் நித்திலன் சாமிநாதன் தனது சமூக வலைதளப் பக்கத்தில் வெளியிட்டுள்ளார்.