எமக்குத் தொழில் ரொமான்ஸ்: ரிலீஸ் ஒத்திவைப்பு

அசோக் செல்வன், அவந்திகா மிஸ்ரா, எம்.எஸ்.பாஸ்கர், ஊர்வசி அழகம் பெருமாள், பகவதி பெருமாள் உள்ளிட்ட பலர் நடித்துள்ள படம், ‘எமக்குத் தொழில் ரொமான்ஸ்’. அறிமுக இயக்குநர் பாலாஜி கேசவன் இயக்கியுள்ள இந்தப் இப்படத்துக்கு நிவாஸ் கே. பிரசன்னா இசையமைத்துள்ளார்.

கணேஷ் சந்திரா ஒளிப்பதிவு செய்துள்ளார். டி கிரியேஷன்ஸ் சார்பில் இயக்குநர் திருமலை தயாரித்துள்ளார். இந்தப் படம் நாளை (வெள்ளிக்கிழமை) வெளியாவதாக இருந்தது. இந்நிலையில், தொடர் மழை காரணமாக ரிலீஸை தள்ளி வைப்பதாகத் தயாரிப்பாளர் அறிவித்துள்ளார்.

“தற்போது உருவாகியுள்ள குறைந்த காற்றழுத்த தாழ்வு மையத்தின் காரணமாக இன்னும் ஒரு வாரம் கனமழை பெய்யும் என்று வானிலை ஆய்வு மையம் அறிவித்துள்ளது. இப்போது படத்தை வெளியிட்டால் வசூலில் பாதிப்பு ஏற்படும் என்பதால் வெளியீட்டைத் தள்ளி வைக்க வேண்டிய சூழல் ஏற்பட்டுள்ளது. புதிய ரிலீஸ் தேதி பின்னர் அறிவிக்கப்படும்” என்று தயாரிப்பாளர் திருமலை தெரிவித்துள்ளார்.