‘அமரன்’ ஓடிடி வெளியீட்டை தள்ளி வைக்க கோரிக்கை

சிவகார்த்திகேயன், சாய் பல்லவி நடிப்பில் வெளியாகி வெற்றிகரமாக ஓடிக்கொண்டிருக்கும் படம், 'அமரன்'. ராஜ்குமார் பெரியசாமி இயக்கியுள்ள இந்தப்படத்தை நடிகர் கமல்ஹாசன் தனது ராஜ்கமல் ஃபிலிம்ஸ் இன்டர்நேஷனல் மூலம் தயாரித்துள்ளார்.

இந்நிலையில், இந்தப் படத்தைத் திரையரங்குகளில் வெளியான எட்டு வாரங்கள் கழித்தே ஓடிடி தளத்தில் வெளியிட வேண்டும் என்று ராஜ்கமல் ஃபிலிம்ஸ் இன்டர்நேஷனல், ரெட் ஜெயன்ட் மூவிஸ் மற்றும் சிவகார்த்திகேயனுக்கு, தமிழ்நாடு திரையரங்கு உரிமையாளர்கள் சங்கம் கோரிக்கை விடுத்துள்ளது. அதில், “அனைத்து திரையரங்குகளிலும் இந்தப் படம் வெற்றிகரமாக ஓடிக்கொண்டிருப்பதால் ஓடிடி வெளியீட்டை தள்ளி வைக்க வேண்டும்” என்று கூறப்பட்ட்டுள்ளது. படத்தின் வெற்றிக்கும் இச்சங்கத்தின் பொதுச் செயலாளர் ஆர்.பன்னீர்செல்வம் வாழ்த்து தெரிவித்துள்ளார்.