'அமரன்’ படம் ஓடிடி ரிலீஸ் எப்போது?

’அமரன்’ படம் ஓடிடியில் வெளியாவது குறித்தான தகவல் வெளியாகியுள்ளது.

ராஜ்குமார் பெரியசாமி இயக்கத்தில் நடிகர்கள் சிவகார்த்திகேயன், சாய்பல்லவி உள்ளிட்ட பலர் நடிப்பில் ‘அமரன்’ திரைப்படம் கடந்த தீபாவளியன்று வெளியாகியது. மேஜர் முகுந்த் வரதராஜனின் கதையை ‘அமரன்’ திரைப்படமாக்கியுள்ளார் ராஜ்குமார் பெரியசாமி. படத்தில் முகுந்தின் சாதி வெளிப்படையாகக் காட்டவில்லை, இஸ்லாமியர்களை தவறாக சித்தரிக்கிறது என பல்வேறு சர்ச்சைகள் அமரன் படத்தை சுற்றி வந்தாலும், படம் வெளியாகி இரண்டு வாரங்களிலேயே சுமார் ரூ.200 கோடிக்கும் மேல் வசூலித்து சாதனைப் படைத்துள்ளது.

பொதுவாக திரையரங்குகளில் ஒரு படம் வெளியாகி ஒரு மாதத்திலேயே ஓடிடியில் வெளியாகும். அந்த வகையில் இந்த மாத இறுதியில் ’அமரன்’ படம் நெட்ஃபிலிக்ஸ் ஓடிடியில் வெளியாவதாக இருந்தது. ஆனால், திரையரங்குகளில் ரசிகர்கள் மத்தியில் இந்தப் படத்திற்கு இன்னும் வரவேற்பு இருந்து வருவதால் ஓடிடி ரிலீஸை படக்குழுவினர் ஒரு வாரம் தள்ளி வைக்க முடிவு செய்துள்ளனர். இதனால் டிசம்பர் மாதம்தான் ‘அமரன்’ திரைப்படம் நெட்ஃபிலிக்ஸ் ஓடிடியில் வெளியாகிறது.