விஜய் தேவரகொண்டாவுடன் மோதுகிறார் ஹாலிவுட் நடிகர்

நடிகர் விஜய் தேவரகொண்டா, இயக்குநர்கள் கவுதம் தின்னனுரி, ராகுல் சாங்கிருதியன் இயக்கும் படங்களில் நடித்து வருகிறார். இந்தப் படங்களுக்கு இன்னும் பெயர் வைக்கவில்லை. இதில் ராகுல் சாங்கிருதியன் இயக்கும் படம் வரலாற்றுப் பின்னணி கொண்ட கதை என்று கூறப்படுகிறது. பான் இந்தியா படைப்பாக உருவாகும் இதை மைத்ரி மூவி மேக்கர்ஸ் தயாரிக்கிறது.

1854-78 காலகட்டத்தில் வாழ்ந்த ஒருவரின் கதையை மையமாக வைத்து இந்தப் படம் உருவாகிறது. இந்நிலையில் இந்தப் படத்தில் பிரபல தென்னாப்பிரிக்க நடிகர் அர்னால்ட் ஓஸ்லு (Arnold Vosloo) முக்கிய வேடத்தில் நடிக்கிறார். இவர், ஹாலிவுட்டில் வெளியான, த மம்மி, த மம்மி ரிட்டர்ன்ஸ், பிளட் டைமண்ட் உட்பட பல படங்களில் நடித்துள்ளார். இதில் அவர் வில்லனாக நடிக்க இருப்பதாகக் கூறப்படுகிறது. ஜனவரி மாதம் இதன் படப்பிடிப்பு தொடங்க இருக்கிறது.