‘கைதி-2’ : மீண்டும் இணையும் வெற்றிக்கூட்டணி

கார்த்தி நடிக்கும் ‘விருமன்’ திரைப்படத்தின் படப்பிடிப்பு மும்முரமாக நடந்துகொண்டிருக்கும் நிலையில், அவர் வந்தியத்தேவனாக நடித்திருக்கும் ‘பொன்னியின் செல்வன்’ திரைப்படம் வெளியீட்டுக்குத் தயாரகிவருகிறது. இந்நிலையில், அவர் 2019-ம் ஆண்டு நடித்த ‘கைதி’ திரைப்படம், ஜப்பான் மொழியில் மொழிமாற்றம் செய்யப்பட்டு ‘கைதி டெல்லி’ என்ற பெயரில், ஜப்பான் நாட்டில் நவ.19-ம் தேதி வெளியாகவுள்ளது.

கடல்கடந்து புகழ்பெற்றிருக்கும் ‘கைதி’ திரைப்படத்தின் 2-ம் பாகம் பற்றிய அதிகாரபூர்வ அறிவிப்பு, எப்போது வெளியாகும் என்ற எதிர்பார்ப்பும் எழுந்துள்ளது.

‘கைதி-2’ திரைப்படத்துக்கான பெரும்பாலான காட்சிகள் முதல் பாகம் எடுக்கும்போதே படமாக்கிவிட்டதாகவும், 30 நாட்கள் மட்டுமே படப்பிடிப்பு நடத்த வேண்டியுள்ளது என்றும் லோகேஷ் கனகராஜ் தெரிவித்திருந்தார்.

லோகேஷ் கனகராஜ் தற்போது கமல்ஹாசன் நடிக்கும் ‘விக்ரம்’ திரைப்படத்தை இயக்கிவருகிறார். கார்த்தி ‘விருமன்’ திரைப்படத்தில் நடித்து வருகிறார். இந்தப் படங்கள் வெளியான பின்பு, இருவரும் ‘கைதி-2’ பணிகளில் இணைவார்கள் என்று சொல்லப்படுகிறது.