அமெரிக்காவில் 2024ம் ஆண்டு நடைபெறவுள்ள அதிபர் தேர்தலில் ஜோ பைடனை பின்னுக்குத் தள்ளி முன்னாள் அதிபர் டொனால்ட் ட்ரம்ப் வெற்றி பெறுவார் என கருத்துக்கணிப்புகள் கூறுகின்றன.
ஜார்ஜியா, மிச்சிகன், நெவாடா, அரிசோனா, விஸ்கான்சின், பென்சில்வேனியா உள்ளிட்ட பிரதான மாகாணங்களில், அதிபர் ஜோ பைடனை, டொனால்ட் டிரம்ப் பின்னுக்குத் தள்ளி உள்ளது கருத்துக் கணிப்பில் தெரியவந்துள்ளது.
2020 தேர்தலில் 12 ஆயிரம் வாக்குகள் வித்தியாசத்தில் ஜோபைடன் வெற்றியை தன்வசமாக்கிய ஜார்ஜியா மாகாணத்தில், டொனால்ட் டிரம்ப் ஐந்து சதவீதம் அதிக வாக்குகள் பெறக்கூடும் என கருத்துக் கணிப்பில் தெரிவிக்கப்பட்டுள்ளது.
இதேபோல், கடந்த தேர்தலில் ஒன்றரை லட்சம் வாக்குகள் வித்தியாசத்தில் ஜோ பைடன் கைப்பற்றிய மிச்சிகன் மாகாணத்தில், டொனால்ட் டிரம்ப் 10 சதவீத வாக்குகள் அதிகமாக பெறக்கூடும் என தெரிவிக்கப்பட்டுள்ளது. நெவாடா, அரிசோனா, விஸ்கான்சின், பென்சில்வேனியா உள்ளிட்ட மாகாணங்களிலும், பைடனை டிரம்ப் பின்னுக்குத் தள்ளி வெற்றி பெறக்கூடும் என கருத்துக் கணிப்பில் தெரியவந்துள்ளது.
அமெரிக்க அதிபர் ஜோ பைடனின் கொள்கைகள், பொருளாதார நிலைமையை மோசமாக்கி இருப்பதும், அதன் தாக்கம் இந்த கருத்துக் கணிப்பு முடிவுகளில் எதிரொலித்துள்ளதாகவும் தெரிவிக்கப்பட்டுள்ளது.
இதையும் வாசிக்கலாமே...
‘அவரை எப்படி பார்த்துக்கணும்னு எங்களுக்குத் தெரியும்...' ஆவேசமாக பதிலளித்த பிரேமலதா!
வெள்ளக்காடாக மாறிய கன்னியாகுமரி; தண்ணீரில் மிதக்கும் தென் தமிழகம்!
தொடரும் கனமழை... தென் மாவட்ட ரயில்கள் ரத்து! இறக்கிவிடப்பட்ட பயணிகள் தவிப்பு!
150 ஆண்டுகளுக்கு பிறகு... தூத்துக்குடியில் கொட்டித்தீர்த்த பெருமழை!