சென்னை: சமூக வலைதளங்களில் இருந்து தற்காலிகமாக விலகியதை, இன்று கட்சியில் இருந்து விலகல் என்று பொய் பரப்புவது கோழைத்தனம். என்றும் அஇஅதிமுக , என்றைக்கும் எடப்பாடியார் என அக்கட்சியின் ஐடி பிரிவு தலைவர் கோவை சத்யன் விளக்கமளித்துள்ளார்.
இது தொடர்பாக கோவை சத்யன் வெளியிட்டுள்ள விளக்கத்தில், ‘எதிர்க்கட்சி புரளி கிளப்பி கேள்விப்பட்டிருக்கிறேன். ஆனால் இருக்கும் கட்சியில் இருப்பவர்களே இப்படி புரளி கிளப்புவது அசிங்கம். சமூக வலைதளங்களில் இருந்து தற்காலிகமாக விலகியதை, இன்று கட்சியில் இருந்து விலகல் என்று பொய் பரப்புவது கோழைத்தனம்.
எனக்கு வாழ்வும் அடையாளமும் அளித்த இரட்டை இலை அதன் தலைமையே எனது வழி. என்றும் அஇஅதிமுக, என்றைக்கும் எடப்பாடியார” எனறு கோவை சத்யன் தெரிவித்துள்ளார். முன்னதாக, கோவை சத்யன் இன்று தவெகவில் இணைகிறார் என தகவல்கள் வெளியான நிலையில், அதனை மறுத்து அவர் விளக்கம் அளித்துள்ளார்.