தங்கம் விலை மீண்டும் உயர்வு... இன்றைய விலை நிலவரம் !

கடந்த சில நாட்களாகவே தங்கத்தின் விலை தொடர்ந்து ஏற்ற, இறக்கத்துடன் காணப்படும் நிலையில் இன்று தங்கம் விலை மீண்டும் உயர்ந்துள்ளது.

இன்றைய காலை நேர விலை நிலவரப்படி தங்கம் கிராமுக்கு ரூபாய் 10 உயர்ந்து ஒரு கிராம் தங்கம் ரூபாய் 7,100-க்கு விற்பனை செய்யப்படுகிறது. சவரனுக்கு ரூபாய் 80 அதிகரித்துள்ள நிலையில் ஒரு சவரன் ரூபாய் 56,800-க்கு விற்பனை செய்யப்படுகிறது.

சென்னையில் நேற்று முன்தினம் ஒரு சவரன் தங்கம் ரூ.56,800-க்கு விற்பனையான நிலையில் நேற்று சவரனுக்கு ரூபாய் 80 குறைந்து ரூ.56,720-க்கு விற்பனை செய்யப்பட்டது. மீண்டும் இன்று கிராமுக்கு ரூபாய் 10 உயர்ந்து நேற்று முன் தின விலையான ரூ.56,800-க்கே இன்று தங்கம் விற்பனை செய்யப்படுகிறது.

வெள்ளி விலையில் கடந்த மூன்று நாட்களகாக எந்தவிதமான மாற்றமும் இல்லாமல் ஒரு கிராம் வெள்ளி ரூ.99-க்கும், ஒரு கிலோ வெள்ளி ரூ.99,000-க்கும் விற்பனை செய்யப்படுகிறது.