சென்னை: திமுக தலைமை செயற்குழு கூட்டம் தள்ளிவைக்கப்பட்டுள்ளது என்று அக்கட்சியின் பொதுச்செயலாளர் துரைமுருகன் தெரிவித்துள்ளார். இது தொடர்பாக அவர் நேற்று வெளியிட்ட அறிக்கையில் கூறியிருப்பதாவது:
தமிழகத்துக்கு கனமழை எச்சரிக்கை விடுக்கப்பட்டுள்ளது. அதேநேரம். தற்போது நடைபெற்றுக் கொண்டிருக்கும் நாடாளுமன்ற கூட்டத்தொடரில் திமுக உறுப்பினர்கள் முக்கிய பிரச்சினைகள் குறித்து விவாதிக்க வேண்டியுள்ளது. அதனால், வரும் 18-ம் தேதி சென்னையில் நடைபெறுவதாக அறிவிக்கப்பட்ட திமுக தலைமை செயற்குழு கூட்டம் தள்ளிவைக்கப்படுகிறது. செயற் குழு கூட்டம் நடைபெறும் தேதி பின்னர் அறிவிக்கப்படும்.
இவ்வாறு அவர் தெரிவித்துள்ளார்.