வாரத்தின் முதல் நாளான இன்று (நவ.25) நகைப் பிரியர்களுக்கு மகிழ்ச்சியளிக்கும் வகையில் தங்கம் விலை சவரனுக்கு ரூ.800 குறைந்துள்ளது.
கடந்த ஒரு வாரமாக தங்கம் விலை தொடர்ந்து உயர்ந்து வந்து மக்களிடையே அதிருப்தியை ஏற்படுத்தியது. கடந்த சனிக்கிழமை 22 கேரட் ஆபரணத்தங்கத்தின் விலை கிராமுக்கு ரூ.75 உயர்ந்து ஒரு கிராம் தங்கம் ரூ.7,300-க்கு விற்பனையானது.
இந்நிலையில் இன்று (நவ.25)காலை நேர விலை நிலவரப்படி சென்னையில் 22 கேரட் ஆபரணத் தங்கம் கிராமுக்கு ரூ.100 குறைந்து ஒரு கிராம் ரூ.7,200-க்கும், சவரனுக்கு ரூ.800 சரிந்து ஒரு சவரன் ரூ.57,600-க்கும் விற்பனையாகிறது. வெள்ளியின் விலை மாற்றமின்றி ஒரு கிராம் ரூ.101-க்கு விற்பனையாகிறது.
வாரத்தின் முதல் நாளே தங்கம் விலை சரிவுடன் தொடங்கியது இல்லத்தரசிகளிடையே உற்சாகத்தை ஏற்படுத்தியுள்ளது.
» மதுராந்தகம் | அரசு டாஸ்மாக் கடையை அகற்றக்கோரி கீழ்மருவத்தூரில் பெண்கள் முற்றுகை போராட்டம்