தமிழகத்தில் வடகிழக்கு பருவமழை தீவிரமடைந்துள்ள நிலையில் நாகை, காரைக்கால், தூத்துக்குடி பகுதிகளில் தொடர்ந்து மழை பெய்து வருவதால் பள்ளிகளுக்கு மட்டும் இன்று ஒரு நாள் விடுமுறை அறிவித்து அந்தந்த மாவட்ட ஆட்சியர்கள் உத்தரவிட்டுள்ளனர்.
தஞ்சையிலும் தொடர்ந்து மழை பெய்து வரும் நிலையில், தஞ்சையில் பள்ளிகளுக்கு விடுமுறை அறிவிப்பது குறித்து அந்தந்த பள்ளிகளின் தலைமையாசிரியரே முடிவெடுத்துக் கொள்ளலாம் என்று அறிவிக்கப்பட்டுள்ளது.
டெல்டா மாவட்டங்களில் தொடர்ந்து மழை பெய்து வரும் நிலையில் குமரிக்கடல் மற்றும் அதனை ஒட்டிய பகுதிகளின் மேல் தற்போது வளிமண்டல கீழடுக்கு சுழற்சி ஒன்று நிலவி வருகிறது. இதன் தாக்கத்தால் தமிழகத்தில் இன்றும் பரவலாக மழை பெய்ய வாய்ப்பிருப்பதாக வானிலை ஆய்வு மையம் அறிவித்துள்ளது.