விளையாட்டுத் துறையில் தமிழகத்தை உலக அரங்கில் உயர்த்திட 'ஒன்றிணைந்து செயல்படுவோம்' என்று நடிகர் அஜித்குமாருக்கு துணை முதல்வர் உதயநிதி ஸ்டாலின் அழைப்பு விடுத்துள்ளார்.
நடிகர் அஜித்குமார் ஐரோப்பிய கார் பந்தய போட்டியில் பங்கேற்க உள்ளார். இதற்காக படப்பிடிப்புக்கு இடையே, கார் பந்தய போட்டிக்கு பயிற்சி எடுத்து வருகிறார். தன்னுடைய கார், ஹெல்மெட் உள்ளிட்ட உபகரணங்களில் தமிழக விளையாட்டு மேம்பாட்டு ஆணையத்தின் லோகோ வடிவமைப்பை பயன்படுத்தி உள்ளார். இதற்காக அஜித்துக்கு தமிழக துணை முதல்வர் உதயநிதி ஸ்டாலின் நன்றி தெரிவித்துள்ளார்.
இதுதொடர்பாக உதயநிதி ஸ்டாலின் எக்ஸ் வலைதளப்பதிவில் கூறியிருப்பதாவது: உலக அளவில் சிறப்புக்குரிய 24 ஹெச் துபாய் 2025 மற்றும் தி யூரோப்பியன் 24 ஹெச் சீரிஸ் சாம்பியன்ஷிப் - போர்ஷே 992 ஜிடி 3 கப் கிளாஸ் கார் பந்தயத்தில் பங்கேற்கவுள்ள நடிகரும், நண்பருமான அஜித்குமாருக்கு எங்களுடைய மனமார்ந்த வாழ்த்துகளைத் தெரிவித்து கொள்கிறோம்.
நம்முடைய தமிழக விளையாட்டு மேம்பாட்டு ஆணையத்தின் லோகோவை ‘அஜித்குமார் ரேசிங்’ யூனிட்டின், கார், ஹெல்மெட் மற்றும் பந்தயம் தொடர்பான உபகரணங்களில் காட்சிப்படுத்தப்பட்டுள்ளதை அறிந்து மட்டற்ற மகிழ்ச்சி அடைந்தோம். இதன்மூலம், தமிழ்நாடு விளையாட்டு மேம்பாட்டுத் துறையை உலக அரங்கில் பெருமைப்படுத்தி, ஊக்குவித்துள்ள அஜித்குமாருக்கு தமிழக விளையாட்டு மேப்பாட்டுத்துறை சார்பாக எங்களது நன்றியை தெரிவித்து கொள்கிறோம்.
» அரசியல் பாதையில் விஜய்க்கு தெளிவில்லை: இந்திய கம்யூனிஸ்ட் கட்சி விமர்சனம்
» புதிய உச்சத்தில் தங்கம் விலை: பவுனுக்கு ரூ.520 உயர்ந்து ரூ.59,520-க்கு விற்பனை
முதல்வர் மு.க.ஸ்டாலின் தலைமையிலான அரசு செயல்படுத்தி வரும் பல்வேறு மக்கள் நலத்திட்டங்கள், இரவு நேர சாலை பார்முலா 4 கார் பந்தயம் போன்ற முன்னெடுப்புகளை வாழ்த்திய அஜித்குமாருக்கு எங்கள் அன்பும், நன்றியும். விளையாட்டுத் துறையில் தமிழகத்தை உலக அரங்கில் உயர்த்திட ஒன்றிணைந்து செயல்படுவோம். கார்பந்தய போட்டியில் வென்று தமிழகத்துக்கு நீங்கள் பெருமை சேர்த்திட வாழ்த்துகள். இவ்வாறு அவர் தெரிவித்துள்ளார்