கடலூர்: கடலூர் ஆயுதப்படை மைதானத்தில் ஊர்க்காவல் படைக்கு ஆள் தேர்வு நடைபெற்று வருகிறது.
கடலூர் ஆயுதப்படை மைதானத்தில் இன்று காலை முதல் ஊர்க்காவல் படைக்கு ஆட்கள் தேர்வு நடைபெற்று வருகிறது. இன்றைய தேர்வில் உடற் தேர்வு நடைபெற்றது. இப்பணியை மாவட்ட கண்காணிப்பாளர் இரா.இராஜாராம் பார்வையிட்டு ஆய்வு மேற்கொண்டார். ஊர்க்காவல் படைக்கு 20 (ஆண்கள் 18 + பெண்கள் 2) பேர் தேர்வு செய்யப்பட உள்ளனர்.
ஊர்க்காவல் படை உடற் தேர்வில் துணை காவல் கண்காணிப்பாளர் சௌமியா, ஊர்க்காவல் படையின் விழுப்புரம் உதவி சரக தளபதி கேதர்நாதன், ஊர்க்காவல் படை வட்டார தளபதி அம்ஜத்கான், ஊர்க் காவல் படை துணை வட்டார துணை தளபதி கலாவதி, ஆயுதப்படை காவல் ஆய்வாளர் அருட்செல்வம், ஊர்க்காவல் படை உதவி ஆய்வாளர் சிவகுமார் மற்றும் காவல் அதிகாரிகள், ஊர்க்காவல் படை அதிகாரிகள் உடற் தேர்வு பணியில் ஈடுபட்டு வருகின்றனர்.