பராமரிப்பு பணியால் பாஸ்போர்ட் இணையதளம் செயல்படாது

சென்னை: தொழில்நுட்ப பராமரிப்பு பணிகள் காரணமாக பாஸ்போர்ட் சேவை இணையதளம் நாளை (ஆக.29) இரவு 8 மணி முதல் செப்.2-ம் தேதி காலை 6 மணி வரை இயங்காது.

இதன் காரணமாக ஆகஸ்ட் 30-ம்தேதி திட்டமிடப்பட்டிருந்த அனைத்து சந்திப்புகளும் ரத்து செய்யப்பட்டுள்ளன. எனவே 30-ம் தேதி சந்திப்புக்காக உறுதிஅளிக்கப்பட்டிருந்த விண்ணப்பதாரர்களுக்கு குறுஞ்செய்தி மூலம் அவர்களுக்கான சந்திப்பு குறித்து தெரிவிக்கப்படும்.

ஆகஸ்ட் 30-ம் தேதி சென்னை அண்ணாசாலை, ராயலா டவரில் அமைந்துள்ள பிரதான அலுவலகத்தில் பொது விசாரணைஅரங்கும் செயல்படாது என சென்னை மண்டல பாஸ்போர்ட் அலுவலகம் தெரிவித்துள்ளது.