வாக்காளர் பட்டியலில் பெயர் சேர்த்தல், திருத்தம் மேற்கொள்ள நாளை மற்றும் நாளை மறுநாள் அனைத்து வாக்குச்சாவடிகளிலும் சிறப்பு முகாம் நடைபெற உள்ளது.
மக்களவைத் தேர்தல் 2024-ம் ஆண்டு நடைபெற உள்ள நிலையில், இந்திய தேர்தல் ஆணையத்தின் அறிவுறுத்தலின்படி வரும் 2024 ஜனவரி முதல் தேதியை தகுதி பெரும் தேதியாக கொண்டு 18 வயது நிரம்பிய அனைவரும் வாக்காளராக தங்கள் பெயரை வாக்காளர் பட்டியலில் பதிவு செய்து கொள்ளலாம் என அறிவிக்கப்பட்டுள்ளது.
இதற்கான வாக்காளர் பட்டியல் சுருக்க முறை திருத்தப்பணி கடந்த அக்டோபர் 27-ம் தேதி தொடங்கி நடைபெற்று வருகிறது. இந்த பணி டிசம்பர் 9-ம் தேதி வரை நடைபெற உள்ளது.
வரும் 2024-ம் ஆண்டு ஏப்ரல், ஜூலை மற்றும் அக்டோபர் முதல் தேதியில் 18 வயது பூர்த்தியாக உள்ளவர்களும் இதற்கு விண்ணப்பிக்கலாம். வாக்காளர் பட்டியலில் திருத்தம் மற்றும் பெயர் நீக்கமும் செய்து கொள்ளலாம்.
இதற்கான சிறப்பு முகாம் நவம்பர் 4 மற்றும் 5-ம் தேதிகளில் காலை 9 மணி முதல் மாலை 5 மணி வரை அனைத்து வாக்குச் சாவடிகளிலும் முகாம் நடைபெறுகிறது. இரு சிறப்பு முகாம்கள் வரும் 18 மற்றும் 19 ஆகிய தேதிகளில் நடைபெற உள்ளது.
வாக்காளர் பட்டியலில் பெயரை சேர்க்க, திருத்தங்கள் மேற்கொள்ள மற்றும் நீக்கம் செய்ய voterhelpline app, www.nvsp.in மற்றும் www.voters.eci.gov.in இணைய சேவைகளின் மூலம் தகுந்த ஆவணங்களைப் பதிவேற்றம் செய்து கொள்ளலாம்.
வங்கியின் பாஸ்புக், ரேஷன் கார்டு, ஓட்டுநர் உரிமம், ஆதார் உள்ளிட்ட முக்கிய ஆவணங்களை எடுத்துச் சென்று இந்த சிறப்பு முகாம்களில் திருத்தங்கள் செய்து கொள்ளலாம்.
இதையும் வாசிக்கலாமே...
நாளை தமிழகத்திற்கு 'ஆரஞ்சு' அலர்ட்!
திமுக அமைச்சர் எ.வ.வேலுக்குச் சொந்தமான 40 இடங்களில் ரெய்டு!
சிறையில் இனி கைதிகளைப் பார்க்க ஆதார் கட்டாயம்!
இன்று 11 தமிழக மாவட்டங்களில் கனமழை பெய்யும்: வானிலை மையம் எச்சரிக்கை!
குட்நியூஸ்: இன்று முதல் 600 சிறப்புப் பேருந்துகளை இயக்க அரசு முடிவு!