கோடை மழையால் ஒகேனக்கல்லில் நீர்வரத்து 3,000 கன அடியாக உயர்வு

தருமபுரி: கோடை மழை காரணமாக தருமபுரி மாவட்டம் ஒகேனக்கல் காவிரியாற்றில் நீர்வரத்து விநாடிக்கு 3,000 கன அடியாக உயர்ந்துள்ளது.

தருமபுரி மாவட்டம் ஒகேனக்கல் காவிரியாற்றில் நேற்று (வியாழக்கிழமை) காலை 6 மணி அளவீட்டின்போது நீர்வரத்து விநாடிக்கு 1,000 கன அடியாக இருந்தது. நேற்று மாலை 6 மணி அளவீட்டின்போது நீர்வரத்து விநாடிக்கு 2,500 கன அடியாக அதிகரித்தது.

இந்நிலையில், இன்று (17-ம் தேதி) காலை 6 மணி அளவீட்டின் போது நீர்வரத்து விநாடிக்கு 3,000 கன அடியாக உயர்ந்துள்ளது.
ஒகேனக்கல் சுற்றுவட்டார வனப்பகுதிகளில் கடந்து சில நாட்களாக பெய்து வரும் மழை காரணமாக ஒகேனக்கல் காவிரியாற்றில் நீர்வரத்து சற்றே உயர்ந்திருப்பது குறிப்பிடத்தக்கது.