சர்வதேச கிரிக்கெட் போட்டிகளில் இருந்து ஓய்வு பெறுவதாக இந்தியாவின் ரவிச்சந்திரன் அஸ்வின் அறிவித்துள்ளார்.
இந்தியா, ஆஸ்திரேலியா இடையில், 5 போட்டிகள் கொண்ட டெஸ்ட் தொடர் நடைபெற்று வருகிறது. காபாவில் துவங்கிய மூன்றாவது டெஸ்ட் போட்டி டிரா ஆன நிலையில், சர்வதேச கிரிக்கெட்டில் இருந்து ஓய்வு பெறுவதாக ரவிச்சந்திரன் அஸ்வின் அறிவித்துள்ளார்.
கடைசி இரண்டு டெஸ்ட் போட்டிகளில் அஸ்வின் விளையாட மாட்டார் என அறிவிக்கப்பட்டுள்ளது. எனினும் ஐபிஎல் போட்டிகளில் தொடர்ந்து விளையாடுவார். 38 வயதாகும் அஸ்வின் இதுவரை மொத்தம் 106 டெஸ்ட் போட்டிகளில் விளையாடி, 537 விக்கெட்டுகளையும், 3,503 ரன்களையும் எடுத்துள்ளது குறிப்பிடத்தக்கது.