அடிலெய்டு: இந்தியாவுக்கு எதிரான 2-வது டெஸ்ட் கிரிக்கெட் போட்டியில் இருந்து காயம் காரணமாக ஆஸ்திரேலிய அணியின் வேகப்பந்து வீச்சாளர் ஜோஷ் ஹேசில்வுட் விலகியுள்ளார்.
இந்திய அணிக்கு எதிரானபெர்த் டெஸ்ட் போட்டியில் ஆஸ்திரேலிய அணி 295 ரன்கள் வித்தியாசத்தில் தோல்வி கண்டிருந்தது. இதனால் 5 போட்டிகள் கொண்ட டெஸ்ட் தொடரில் ஆஸ்திரேலிய அணி 0-1 என பின்தங்கியுள்ளது. இரு அணிகளும் வரும் 6-ம் தேதி அடிலெய்டு நகரில் 2-வது டெஸ்ட் போட்டியில் மோத உள்ளன. இந்த போட்டி பகலிரவாக நடத்தப்படுகிறது. இந்நிலையில் இந்த போட்டிக்கான ஆஸ்திரேலிய அணியில் இருந்து முன்னணி வேகப்பந்து வீச்சாளரான ஜோஷ் ஹேசில்வுட் காயம் காரணமாக விலகி உள்ளார். அவருக்கு இடது இடுப்பு பகுதியில் காயம் ஏற்பட்டுள்ளதால் விலகி உள்ளதாக ஆஸ்திரேலிய கிரிக்
கெட் வாரியம் தெரிவித்துள்ளது.
அணியில் சீன் அபோட்: அவருக்கு பதிலாக ஆஸ்திரேலிய அணியில் சீன் அபோட், பிரண்டன் டாக்கெட் ஆகிய இரு வேகப்பந்து வீச்சாளர்கள் சேர்க்கப்பட்டுள்ளனர். 33 வயதான ஜோஷ் ஹேசில்வுட் பிங்க் பந்து டெஸ்ட் போட்டியில் சிறப்பாக செயல்படக்கூடியவர். சொந்த மண்ணில் இந்தியாவுக்கு எதிரான டெஸ்ட் போட்டியில் ஜோஷ் ஹேசில்வுட் விளையாடாமல் இருப்பது இதுவே முதன்முறையாகும்.