நேற்றைய புரோ கபடி லீக் போட்டியில் யுபி யோத்தாஸ், யு மும்பா அணிகள் வெற்றி பெற்றன. தமிழ் தலைவாஸ் அணி தனக்கிருந்த கடைசி வாய்ப்பையும் தவற விட்டு தோல்வியைத் தழுவியது.
ஹைதராபாத்தில் கடந்த 18ம் தேதி 11வது புரோ கபடி லீக் போட்டி தொடங்கியது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் 'பிளே-ஆப்' சுற்றுக்கு தகுதி பெறும்.
அதே சமயம் லீக் போட்டிகளில் 'டாப்-2' இடங்களை வசப்படுத்தும் அணிகள் நேரடியாக அரையிறுதிக்குள் அடியெடுத்து வைக்கும். 3 முதல் 6 இடங்களை பெறும் அணிகள் வெளியேற்றுதல் சுற்றில் மோதி அதில் வெற்றி பெறும் 2 அணிகள் அரையிறுதிக்கு தகுதி பெறும்.
இந்த தொடரின் முதற்கட்ட லீக் ஆட்டங்கள் ஹைதராபாத்தில் நடந்து முடிந்தன. இதனையடுத்து தொடரின் 2வது கட்ட லீக் ஆட்டங்கள் நொய்டாவில் நடைபெற்று வருகின்றன.
» பெண் காவலர் மீது தாக்குதல்: டாஸ்மாக் ஊழியர் கைது
» அரசுப் பள்ளி வளாகத்தில் எரிந்த நிலையில் இளைஞர் சடலம் - சென்னை போலீஸ் விசாரணை
இந்நிலையில், இந்த தொடரில் நேற்று (நவ.14) நடைபெற்ற முதல் ஆட்டத்தில் தெலுங்கு டைட்டன்ஸ் அணியும், யுபி யோத்தாஸ் அணியும் மோதின. இந்த ஆட்டத்தில் யுபி யோத்தாஸ் அணி வெற்றி பெற்றது.
இதனைத் தொடர்ந்து நேற்றிரவு 9 மணிக்கு நடைபெற்ற மற்றொரு ஆட்டத்தில் தமிழ் தலைவாஸ் அணியும், யு மும்பா அணியும் மோதின. இந்த ஆட்டத்தில் 35-32 என்ற புள்ளி கணக்கில் தமிழ் தலைவாஸை வீழ்த்தி யு மும்பா அணி வெற்றி பெற்றது.
இன்றைய ஆட்டத்தில் பாட்னா பைரைட்ஸ் - பெங்கால் வாரியர்ஸ் அணிகளும், ஜெய்ப்பூர் பிங்க் பேந்தர்ஸ் - குஜராத் ஜெயண்ட்ஸ் அணிகளும் மோதுகின்றன.