ஆசிய கோப்பை கிரிக்கெட் தொடரின் சூப்பர் 4 சுற்று போட்டிகள் இன்று தொடங்குகிறது. இன்றைய போட்டியில் இலங்கை - வங்கதேச அணிகள் மோதுகின்றன. ஆனால், கிரிக்கெட் ரசிகர்களின் கவனம் முழுக்க நாளை நடைபெற உள்ள இந்தியா - பாகிஸ்தான் ஆட்டத்தின் மீதே குவிந்துள்ளது.
இந்த போட்டிக்கு தயாராகும் விதமாக இந்திய அணி வீரர்கள் நேற்று தீவிர பயிற்சியில் ஈடுபட்டனர். இந்த பயிற்சிக்கு முன்பு வார்ம் அப் செய்வதற்காக வீரர்கள் கால்பந்து விளையாடினர். அப்போது மைதானத்தில் ஒரு நாய்க்குட்டி இந்திய வீரர்களை சுற்றிக் கொண்டு நின்றது. அப்போது அந்த நாய்க்குட்டியைப் பார்த்த விராட் கோலி அதனை செல்லமாக அழைக்க, அது அழகாக வாலை ஆட்டிக்கொண்டு விராட் கோலியிடம் சென்றது.
இதை அடுத்து அந்த நாய்க்குட்டியை விராட் கோலி பாசமாக கொஞ்சினார். இதனை அடுத்து வீரர்கள் நாய்க்குட்டியுடன் கால்பந்து விளையாட தொடங்கினர். விராட் கோலி அடித்த பந்தை அந்த நாய்க்குட்டி பிடிப்பதற்காக ஓடி சென்றது. சில நிமிடங்கள் கழித்து அந்த நாய்க்குட்டி அங்கிருந்து சென்று விட்டது. தற்போது இந்த வீடியோ சமூக வலைத்தளத்தில் வைரலாக பரவி வருகிறது.