கிரிக்கெட் போட்டிகளை நேரடியாக ஒளிபரப்பி வரும் டிஸ்னி ஹாட்ஸ்டார், 2024 டி20 உலகக்கோப்பை தொடர் போட்டிகள் அனைத்தையும் மொபைலில் ஹாட்ஸ்டார் செயலியில் இலவசமாகப் பார்க்கலாம் என அறிவித்துள்ளது கிரிக்கெட் ரசிகர்களை உற்சாகமடைய செய்துள்ளது.
ஜூன் 2 முதல் முதல் ஜூன் 29 வரை நடைபெற உள்ள டி20 உலகக்கோப்பைத் தொடரை மொபைல் பயனர்களுக்கு முற்றிலும் இலவசமாக ஒளிபரப்ப ஹாட்ஸ்டார் முடிவு செய்துள்ளது. இதற்கு முன்பாக 2023ம் ஆண்டு நடைப்பெற்ற ஒருநாள் உலகக்கோப்பை கிரிக்கெட் போட்டித் தொடரையும் ஹாட்ஸ்டார் இதே போல இலவசமாக ஒளிபரப்பியது குறிப்பிடத்தக்கது.
வரும் மார்ச் 23 முதல் டி20 ஐபிஎல் தொடரை ஜியோசினிமா இலவசமாக ஒளிபரப்ப உள்ளது. அதைத் தொடர்ந்து ஜூன் மாதம் டி20 உலகக்கோப்பை தொடரை ஹாட்ஸ்டார் இலவசமாக ஒளிபரப்ப உள்ளது. எனவே, கிரிக்கெட் ரசிகர்கள் இந்த மூன்று மாதங்களும் தினமும் கிரிக்கெட் போட்டிகளை தங்கள் மொபைலில் இலவசமாக கண்டு களிக்கலாம்.
ஐபிஎல் தொடர் உரிமையை ஜியோசினிமா வாங்கும் வரை ஹாட்ஸ்டார் செயலியில் கிரிக்கெட் போட்டிகளை காண பணம் செலுத்த வேண்டிய நிலை இருந்தது. ஆனால், ஜியோசினிமா ஐபிஎல் தொடரை இலவசமாக ஒளிபரப்பியது. அதிக ரசிகர்கள் நேரலையில் போட்டிகளை பார்த்ததால் ஜியோ சினிமாவுக்கு விளம்பரங்கள் மூலம் வருவாய் அதிகரித்தது.
அதே பாணியை தற்போது ஹாட்ஸ்டாரும் பின்பற்றத் தொடங்கி இருக்கிறது. மேலும், ஜியோ சினிமாவை விட ஹாட்ஸ்டாரில் நேரலையில் பார்க்கும் ரசிகர்களின் எண்ணிக்கையும் அதிகமாக உள்ளது. அதற்கு பல மொழிகளில் முன்னாள் வீரர்களை கொண்டு வர்ணனை செய்வதும் முக்கிய காரணம் ஆகும்.
இதையும் வாசிக்கலாமே...
அடேயப்பா, 11.5 கோடி ரூபாய், 120 கோடி ஆவணங்கள் பறிமுதல்... அமலாக்கத்துறை அதிகாரிகள் அதிர்ச்சி!
எல்லா இந்தியர்களும் மோசமானவர்கள் அல்ல... பலாத்காரத்திற்குள்ளான ஸ்பெயின் பெண் பேட்டி !
ராகுல் யாத்திரையில் ஆம் ஆத்மி... குஜராத் பொதுக்கூட்டத்தில் கேஜ்ரிவால் இணைந்து கலக்க முடிவு!
நக்சல் தம்பதி கைது... பயங்கரவாத தடுப்பு பிரிவு போலீஸார் அதிரடி நடவடிக்கை!
பாடகருக்குப் பதில் களமிறங்கும் நடிகை... பாஜக போடும் பக்கா பிளான்!