வங்கதேச கிரிக்கெட் அணியின் கேப்டன் ஷகிப் அல் ஹசன், எதிர்வரும் நாடாளுமன்ற பொதுத் தேர்தலில் போட்டியிட ஆளும் வங்கதேச கட்சியில் இணைந்துள்ளார்.
வங்கதேசத்தில் அடுத்த வருடம் ஜனவரி 7ம் தேதி நடைபெறவுள்ள நாடாளுமன்ற பொதுத் தேர்தலில் போட்டியிட ஆளும் வங்கதேச அவாமி லீக்கின் வேட்புமனுவைக் கோரி, முறைப்படி அரசியலில் நுழைந்துள்ளார்.
அவாமி லீக் இணைச் செயலாளர் பஹவுதீன் நசிம், ஷகிப் அல் ஹசன் தமது கட்சியில் இணைந்ததை உறுதிப்படுத்தினார். இந்த தேர்தலை முக்கிய எதிர்க்கட்சிகள் புறக்கணிக்க உள்ளன.
ஷகிப் அல் ஹசன் தங்கள் கட்சியில் இணைந்ததை உறுதிப்படுத்திய பஹவுதீன் நசிம், "அவர் ஒரு பிரபலம் மற்றும் நாட்டின் இளைஞர்களிடையே பெரும் புகழ் பெற்றவர்" என்று கூறினார். ஷகிப்பின் வேட்புமனுவை பிரதமர் ஷேக் ஹசீனா தலைமையிலான ஆளும் கட்சி நாடாளுமன்ற குழு உறுதி செய்ய வேண்டும். அவர் தனது தென்மேற்கு சொந்த மாவட்டமான மகுரா அல்லது தலைநகர் டாக்காவில் உள்ள ஒரு தொகுதியில் போட்டியிடுவார் என்று நசிம் கூறினார்.
நேற்றுடன் நடந்து முடிந்த உலகக் கோப்பையில் வங்கதேச அணி படுமோசமான தோல்வியடைந்து லீக் சுற்றுடன் வெளியேறியது. இந்த அணியின் கேப்டனாக ஷகிப் அல் ஹசன் இருந்தார். இலங்கைக்கு எதிரான போட்டியின் போது ஏஞ்சலோ மத்யூஸுக்கு எதிரான வழக்கத்திற்குமாறான ‘ டைம் அவுட்’ காரணமாக அவர் தலைப்புச் செய்திகளில் இடம்பிடித்தார்.
இதையும் வாசிக்கலாமே...
HBD Shalini Ajith | அஜித் காட்டிய அக்கறை... வாழ்க்கையை ‘அமர்க்களமாய்’ மாற்றிய சினிமா!
துறைமுகத்தில் 60 படகுகள் எரிந்து நாசம்; கதறும் மீனவர்கள்!
1000 ஆண்டுகள் பழமைவாய்ந்த கல்வெட்டுக்கள்... அத்தாளநல்லூர் ஆய்வில் கண்டுபிடிப்பு!
ஐசியுவில் விஜயகாந்த்... என்ன சொல்கிறது மருத்துவமனை நிர்வாகம்?
பிக் பாஸில் மீண்டும் 3 வைல்ட் கார்டு என்ட்ரி... யார் அந்த மூன்று பேர்?