இந்தியாவின் பைனலுக்கு ராசியே இல்லாத நடுவர் - மைதானத்திலேயே எதிர்ப்பு காட்டிய ரசிகர்கள்!

உலகக்கோப்பை இறுதிப்போட்டி நடுவர் ரிச்சர்ட் கெட்டில்ப்ரோவுக்கு பரிசளிக்கும் நிகழ்ச்சியில் விருது வழங்கப்பட்டது. அப்போது அவரது பெயரை அழைத்தவுடன் ரசிகர்கள் எதிர்ப்புக் குரலை கொடுத்தனர்.

ஐசிசி உலகக் கோப்பை கிரிக்கெட் தொடரின் சாம்பியன் பட்டத்தை ஆஸ்திரேலிய அணி வெற்றி பெற்றது. இதன் மூலம் இந்திய அணி மூன்றாவது முறையாக சாம்பியன் ஆகும் வாய்ப்பை இழந்தது.

இறுதிப் போட்டியில் இந்திய அணிக்கு ஆரம்பம் முதலில் பல விஷயங்கள் மாறாகவே நடந்தது. டாஸ் முதல் கடைசி பந்து வரை இந்தியாவுக்கு எதிராகவே அனைத்து விஷயங்களுமே இயற்கையாகவே நடந்தது.

இந்த நிலையில் இந்திய அணிக்கு கொஞ்சம் கூட ஒத்து வராத ராசியே இல்லாத நடுவரான ரிச்சர்ட் கெட்டில்ப்ரோ நேற்றைய ஆட்டத்தில் நடுவராக செயல்பட்டார். ரிச்சர்ட் கெட்டில்ப்ரோ எப்போதெல்லாம் நடுவராக இருக்கிறாரோ அப்போதெல்லாம் இந்திய அணி தோல்வியை தழுவும். 2019 உலகக்கோப்பை அரை இறுதி ஆட்டத்தில் ரிச்சர்ட் கெட்டில்ப்ரோ நடுவராக செயல்பட்டார்.அதில் நியூசிலாந்திடம் இந்தியா தோல்வியை தழுவியது.

இதே போன்று நடப்பாண்டில் நடைபெற்ற உலக டெஸ்ட் சாம்பியன்ஷிப் இறுதிப் போட்டியில் ரிச்சர்ட் கெட்டல்ப்ரோ மூன்றாவது நடுவராக இருந்தார். அதிலும் இந்தியா தோல்வியை தழுவியது. அதில் அவர் கில்லுக்கு கொடுத்த அவுட் மிகப்பெரிய சர்ச்சை ஏற்படுத்தியது. இந்த நிலையில் நேற்றைய உலகக்கோப்பை இறுதி போட்டியில் அவரே நடுவராக இருந்த நிலையில் மீண்டும் இந்திய அணி தோற்றது.

இதனால் ரசிகர்கள் கடுப்பாகினர். இதனை எடுத்து ரிச்சர்ட் கெட்டில்ப்ரோவுக்கு பரிசளிக்கும் நிகழ்ச்சியில் விருது வழங்கப்பட்டது. அப்போது அவரது பெயரை அழைத்தவுடன் ரசிகர்கள் எதிர்ப்புக் குரலை கொடுத்தனர். இதனால் ஏமாற்றம் அடைந்த ரிச்சர்ட் கெட்டில்ப்ரோ, அதனை தன்னுடைய சிரிப்பால் மறைத்துக் கொண்டார்.

எப்போதுமே பிடிக்காத வீரர்களுக்கு தான் ரசிகர்கள் எதிர்ப்பு கூரல் எழுப்புவார்கள்.ஆனால் ராசி இல்லாத நடுவர் என்பதற்காக ரசிகர்களால் எதிர்ப்பு குரல் எழுப்பப்பட்டது இதுவே முதல் முறையாகும்.

இதையும் வாசிக்கலாமே...

HBD Shalini Ajith | அஜித் காட்டிய அக்கறை... வாழ்க்கையை ‘அமர்க்களமாய்’ மாற்றிய சினிமா!

துறைமுகத்தில் 60 படகுகள் எரிந்து நாசம்; கதறும் மீனவர்கள்!

1000 ஆண்டுகள் பழமைவாய்ந்த கல்வெட்டுக்கள்... அத்தாளநல்லூர் ஆய்வில் கண்டுபிடிப்பு!

ஐசியுவில் விஜயகாந்த்... என்ன சொல்கிறது மருத்துவமனை நிர்வாகம்?

பிக் பாஸில் மீண்டும் 3 வைல்ட் கார்டு என்ட்ரி... யார் அந்த மூன்று பேர்?