கிரிக்கெட்டில் விராட் கோலியின் சாதனையை இனி யாராலும் முறியடிக்க முடியாது என்று இந்திய அணியின் முன்னாள் கேப்டன் சவுரவ் கங்குலி கூறியுள்ளார்.
ஐசிசி உலகக் கோப்பை கிரிக்கெட் போட்டியில் முதல் அரையிறுதி ஆட்டத்தில் நியூசிலாந்துக்கு எதிராக இந்திய அணியின் நட்சத்திர வீரர் விராட் கோலி தன்னுடைய ஐம்பதாவது சதத்தை பூர்த்தி செய்தார். இதன் மூலம் இந்திய அணி 70 ரன்கள் வித்தியாசத்தில் வெற்றி பெற்று இறுதிப் போட்டிக்கு சென்றுள்ளது.
இந்த நிலையில் விராட் கோலி பாராட்டி பேசியுள்ள முன்னாள் கேப்டன் கங்குலி, “இனி இது போன்ற ஒரு சாதனையை யாராலும் முறியடிக்க முடியுமா என்று எனக்கு உண்மையிலேயே தெரியவில்லை. அதுவும் விராட் கோலி இன்னும் தன்னுடைய கிரிக்கெட் வாழ்க்கையை முடிக்கவில்லை என்பதை இங்கு கவனிக்க வேண்டும். அவருக்கு தற்போது 35 வயது தான் ஆகிறது. அவர் இன்னும் நிறைய நாட்கள் இந்தியாவுக்காக விளையாடுவார். இது ஒரு வரலாற்று சிறப்புமிக்க சாதனையாகும். என் வாழ்க்கை முழுவதும் நான் சச்சின் டெண்டுல்கர் கூடவே விளையாடி இருக்கிறேன்.
சச்சின் டெண்டுல்கர் 49 சதத்தை அடித்தபோது நாங்கள் அனைவரும் இது ஒரு மிகப்பெரிய சாதனை யாராலும் முறியடிக்க முடியாது என்று நினைத்தோம். ஆனால் விராட் கோலி அதனை செய்து காட்டியிருக்கிறார். அதுவும் இந்த உலகக் கோப்பையில் விராட் கோலி ஆடிய ஆட்டம் பிரமிக்கும் வகையில் இருந்தது” என்றார்
மேலும், “இந்த உலகக் கோப்பையில் இந்திய அணியின் செயல்பாடு பாராட்டும் வகையில் இருக்கிறது. பார்ப்பதற்கே மகிழ்ச்சியாக இருக்கிறது. இறுதிப் போட்டியில் இந்திய அணி சிறப்பாக செயல்பட வேண்டும். அதற்காக அணியில் உள்ள அனைத்து வீரர்களுக்கும் என்னுடைய மனமார்ந்த வாழ்த்துக்களை தெரிவித்துக் கொள்கிறேன்” என்று கங்குலி கூறியுள்ளார்.
இந்தத் தொடரில் விராட் கோலி 10 போட்டிகளில் விளையாடி 711 ரன்கள் அடித்திருக்கிறார். சராசரியாக 101 ரன்கள் இந்த தொடரில் அவர் அடித்திருக்கிறார். இதன் மூலம் சச்சின் டெண்டுல்கரின் ஒரு உலகக்கோப்பை தொடரில் அதிக ரன்கள் அடித்த வீரர் என்ற பெருமையும் கோலிக்கு சொந்தமாக இருக்கிறது.கோலிக்கும் கங்குலிக்கும் பிரச்சினை என்று ரசிகர்கள் நினைத்த நிலையில் அவருக்காக கங்குலி வாழ்த்து தெரிவித்திருப்பது குறிப்பிடத்தக்கது.
இதையும் வாசிக்கலாமே...
அதிர்ச்சி... வேர்ல்டு கப் பைனல்... நடிகர் அமிதாப் பச்சனுக்கு தொடர்ந்து மிரட்டல்!
பிக் பாஸ் வீட்டில் ரணகளம்... விசித்ராவுடன் மல்லுக்கட்டிய நிக்ஸன்!
விஜய்சேதுபதி, மஞ்சுவாரியருக்காக புது டெக்னாலஜி... தமிழ் சினிமாவின் அடுத்த பாய்ச்சல்!
வீலிங் செய்து எமனுக்கு காலிங்... டூ வீலரில் இளைஞரின் அட்டகாசம்!
குட் நியூஸ்... இனி புக் செய்த அனைவருக்கும் ரயில் டிக்கெட்; ரயில்வேயின் புதிய திட்டம்!