உலகக் கோப்பை கிரிக்கெட் போட்டியின் முக்கியமான ஆட்டத்தில் இன்று ஆப்கானிஸ்தானுடன் இலங்கை அணி மோதவுள்ளது. இந்தப் போட்டி மகாராஷ்டிரா மாநிலம் புணே மைதானத்தில் பிற்பகல் 2 மணிக்கு தொடங்கும் என எதிர்பார்க்கப்படுகிறது.
இந்த உலகக் கோப்பைப் போட்டியில் இலங்கை அணி இதுவரை 5 ஆட்டங்களில் விளையாடி 2 வெற்றி, 3 தோல்விகளைப் பெற்று 4 புள்ளிகளுடன் பட்டியலில் 5-வது இடத்தில் உள்ளது. தனது கடைசி லீக் ஆட்டத்தில் நடப்புச் சாம்பியன் இங்கிலாந்தை வீழ்த்திய உற்சாகத்தில் அந்த அணி களமிறங்குகிறது.
இந்தப் போட்டி இலங்கைக்கு முக்கியமான ஆட்டமாக பார்க்கப்படுகிறது. இந்தப் போட்டியில் வெற்றி பெற்றால் மட்டுமே அரை இறுதிக்கு முன்னேறுவதற்கான வாய்ப்பை தக்கவைத்துக் கொள்ள முடியும் என்பதால் இலங்கை வீரர்கள் மிகுந்த எச்சரிக்கையுடன் விளையாடுவார்கள் என எதிர்பார்க்கலாம்.
இந்த போட்டி மகாராஷ்டிராவில் உள்ள கிரிக்கெட் சங்க மைதானத்தில் பிற்பகல் 2 மணிக்கு தொடங்குகிறது. பேட்டிங், பந்துவீச்சு, பீல்டிங் என பலம் பெற்றுள்ள இலங்கை, இந்தப் போட்டியிலும் அதே ஆக்ரோஷத்தை வெளிப்படுத்தும் என்று எதிர்பார்க்கப்படுகிறது. ஆப்கானிஸ்தான் அணியும் இப்போட்டியில் வெற்றி பெறும் முனைப்புடன் களமிறங்குகிறது. புள்ளி பட்டியலில் இலங்கை அணி 5வது இடத்திலும், ஆப்கான் அணி 7வது இடத்திலும் உள்ளது என்பது குறிப்பிடத்தக்கது.