கும்பகோணம்: கும்பகோணம் வட்டம் பட்டீஸ்வரத்திலுள்ள தேனுபுரீஸ்வரர் கோயிலில் முத்துப்பந்தல் விழா இன்று (சனிக்கிழ்மை) காலை நடைபெற்றது.
தேனுபுரீஸ்வரர் கோயிலில் ஆண்டுதோறும் முத்துப்பந்தல் விழா சிறப்பாக கொண்டாடப்படுவது வழக்கம். நிகழாண்டு விழாவையொட்டி 13 ஆம் தேதி காலை கோயிலிலுள்ள ஞானவாவி குளத்தில், திருஞானசம்பந்தருக்கு, சுவாமி- அம்மன் காட்சி அளித்து, திருமுலைப்பால் வழங்கப்பட்டது. இரவு திருஞானசம்பந்தருக்கு பொற்றளம் அளித்து, அதனுடன் வீதியுலா நடைபெற்றது.
ஜூன் 14- ம் தேதிஜ காலை 8.30 மணிக்கு திருஞானசம்பந்தருக்கு, இறைவன் வழங்கிய முத்துக் கொண்டை, முத்துக்குடை, முத்து சின்னங்களுடன் வீதியுலா, இரவு மின்னொளியில் அலங்கரிக்கப் பட்ட முத்து திருவோடத்தில் திரு ஞானசம்பந்தர் வீதியுலா நடைபெற்றது.
இன்று, காலை 7 மணிக்கு திருஞானசம்பந்தர் முத்துப் பல்லக்கில் பக்தர்களுக்கு காட்சியளித்து, தொடர்ந்து திருமேற்றளிகை கைலாசநாதர் கோயிலுக்கும், மதியம் 12 மணிக்கு திருசக்திமுற்றம் சக்திவனேஸ்வரர் சிறப்பு அலங்காரத்தில் திருஞானசம்பந்தர். கோயிலுக்கும். மதியம் 1 மணிக்கு பட்டீஸ்வரம் தேனுபுரீஸ்வரர் கோயிலுக்கும் வீதியுலாவாக சென்று, சுவாமி தரிசனம் செய்யும் நிகழ்ச்சி நடைபெற்றது.
» கும்பகோணம் தேனுபுரீஸ்வரர் கோயில் முத்துப் பந்தல் விழா தொடக்கம்
» புதிய பேருந்துநிலைய மேற்கூரை விழுந்து கணவன் மனைவி உட்பட 3 காயம் @ கும்பகோணம்
தொடர்ந்து,இன்று இரவு 8 மணிக்கு ஞானாம்பிகை யம்மன் சமேத தேனுபுரீஸ்வரர் முத்து விமானத்தில் காட்சியளிக்க, அவர்களை திருஞானசம்பந்தர் எதிர்வணங்கி, முத்துப்பந்தல் நிழலில் வீதியுலா வலம் வருதல் நிகழ்ச்சி நடைபெறுகிறது. விழாவுக்கான ஏற்பாடுகளை கோயில் செயல் அலுவலர் ம.ஆறு முகம் மற்றும் பணியாளர்கள் செய்து வருகின்றனர்.