அதிமுக மாவட்டச் செயலாளர்கள் ஆலோசனைக் கூட்டத்துக்கு இரண்டு நாள் முன்னதாக, தஞ்சையில் தனது ஆதரவாளர்கள் சிலரைச் சந்தித்தாராம் கட்சியின் துணை ஒருங்கிணைப்பாளர் வைத்திலிங்கம். அப்போது அதிமுக தலைமையின் செயல்பாடுகள் குறித்து ரொம்பவே அலுத்துக் கொண்ட வைத்தி, “கட்சியோட துணை ஒருங்கிணைப்பாளர்னு தான் பேரு. ஆனா, பெருந்தலைகள் யாருமே நம்மள பெருசா கண்டுக்கிறதில்ல. மாவட்டச் செயலாளர் கூட்டத்துக்குக்கூட ஏதோ பேருக்குன்னு அழைப்பு அனுப்புறாங்க. தேர்தல்ல இத்தன கோடிகளை செலவழிச்சு ஏண்டா ஜெயிச்சோம்னு இருக்குதுப்பா” என்று புலம்பினாராம். “நீங்க பழைய மாதிரி பவர்ஃபுல்லா வரணும்ணே” என்று ஆதரவாளர்கள் சொன்னதற்கு, “அதுக்கு நம்மக்கிட்ட இப்ப பழைய ஸ்ட்ரென்த் இல்லியேப்பா... மாவட்டச் செயலாளர்கள் கூட்டத்துல என்ன முடிவெடுக்கிறாங்கன்னு பாத்துட்டு அப்புறம் பார்க்கலாம்” என்றாராம் வைத்தி.