காங்கிரஸ் கட்சியின் தலைவராக ராகுல் காந்தி பொறுப்பேற்பதற்கு முன்பாக அனைத்து மாநிலங்களுக்கும் புதியவர்களை தலைவர்களாக நியமிக்கும் வேலைகள் வேகமாக நடக்கிறதாம். அந்த வகையில் தமிழக காங்கிரஸ் தலைவர் கே.எஸ்.அழகிரியும் மாற்றப்படலாம் என்கிறார்கள். அதேபோல் கட்சியின் செயல் தலைவர் களான திருவள்ளூர் ஜெயக்குமார், விஷ்ணுபிரசாத் ஆகியோர் எம்பி-க்களாகிவிட்டார்கள். வசந்தகுமார் காலமாகி விட்டார். இந்த மூவரின் இடங்களைப் பிடிக்கவும் சிலர் டெல்லியில் முகாம் போட்டிருக்கிறார்களாம். மாநில தலைவர் பதவிக்கான பெயர் பட்டியலில் டாக்டர் செல்லக்குமார், மாணிக்கம் தாகூர் பெயர்கள் பலமாக அடிபடுகின்றன.