நன்னிலத்தில் அறுவடை யாருக்கு?- அமைச்சர் ஆர்.காமராஜ் தொகுதி நிலவரம்

கரு.முத்து
muthu.k@kamadenu.in

தனித்தொகுதியாக இருந்தபோது நன்னிலம் தொகுதியில், காங்கிரஸ், திமுக, அதிமுக, இந்திய கம்யூனிஸ்ட், குடியரசுக் கட்சி, தமாகா ஆகிய கட்சிகள் வெற்றியை மாறி மாறி சுவைத்திருக்கின்றன. 2011-ல்  பொதுத் தொகுதியாக மாறிய பிறகு, நடந்த 2 தேர்தல்களிலும் நன்னிலத்தில் அதிமுக சார்பில் நின்று வெற்றி பெற்றவர் உணவுத் துறை அமைச்சர் ஆர்.காமராஜ்.

2011-ல் திமுகவின் இளங்கோவனை 10,404 வாக்குகள் வித்தியாசத்திலும், 2016-ல் திமுக கூட்டணி வேட்பாளரான காங்கிரஸின் துரைவேலனை 21,276 வாக்குகள் வித்தியாசத்திலும் வென்றவர் காமராஜ். கரோனாவிலிருந்து மீண்டு வந்தவருக்கு மூன்றாவது முறையாகவும் சீட் வழங்கப்பட்டிருக்கிறது. இந்தமுறை இன்னும் அதிகமான வாக்குகள் வித்தியாசத்தில் வெல்வோம் என்பது காமராஜின் கணிப்பு.

எடப்பாடியின் விசுவாசி