திருவனந்தபுரம் கோட்டத்தில் ரயில் பாதை பராமரிப்பு பணிகள் நடைபெற்று வருவதை தொடர்ந்து செப்டம்பர் மாதத்தில் 3 நாட்கள் குருவாயூர் எக்பிரஸ் ரயில் சேவை எர்ணாகுளம் - குருவாயூர் இடையே ரத்து செய்யப்பட உள்ளது.
இது குறித்து தென்னக ரயில்வே வெளியிட்டுள்ள செய்தி குறிப்பில், திருவனந்தபுரம் கோட்டத்தில் ரயில் பாதை பராமரிப்பு பணிகள் நடைபெற்று வருகின்றன. இதன் காரணமாக செப்டம்பர் 4, 11 மற்றும் 25 ஆகிய 3 நாட்கள் சென்னை எழும்பூரில் இருந்து காலை 9.45 மணிக்கு புறப்படும் குருவாயூர் எக்ஸ்பிரஸ் பகுதியாக ரத்து செய்யப்பட உள்ளது.
இந்த 3 நாட்களில் மட்டும் குருவாயூர் எக்ஸ்பிரஸ் ரயில் எர்ணாகுளம் - குருவாயூர் இடையே பகுதியாக ரத்து செய்யப்பட்டு எர்ணாகுளம் வரை மட்டுமே இயக்கப்படும் என தெரிவிக்கப்பட்டுள்ளது.