சகோதர இரட்டையர்களை மணந்துகொண்ட இரட்டையர் சகோதரிகளுக்குப் பிறந்த குழந்தைகள், இரட்டையரை ஒத்திருந்தால் என்னாகும்? இரட்டையை பிரதிபலிக்கும் இன்றைய தினத்தில்(22.02.2022), இப்படியொரு விநோத குடும்பம் இணையத்தை கலக்கி வருகிறது.
ஒத்த உருவத்துடன் பிறந்த இரட்டையர்கள் ஜோஷ் மற்றும் ஜெர்மி. இவர்கள் இருவரும், இரட்டையரான பிரிட்டனி மற்றும் பிரையனா என்ற ஒத்த உருவம் கொண்ட சகோதரிகளை மணந்துகொண்டனர். இவர்களுக்குப் பிறந்த ஒரே வயது ஆண் குழந்தைகளான ஜாக்ஸ் மற்றும் ஜெட் ஆகிய இருவரும், இரட்டையருக்கான தோற்றத்தையே ஒத்துள்ளனர்.
இந்த இரட்டையர் குடும்பம் ஒரே வீட்டில் வசித்து வருவதுடன், மணவிழா ஏற்பாட்டாளர்களாக ஒரே தொழிலில் ஈடுபட்டுள்ளனர். அமெரிக்காவின் வர்ஜினியாவைச் சேர்ந்த இந்த இரட்டையர் புகழ் குடும்பம், இந்த ஆண்டின்(2022) பிப்ரவரி(02) மாதத்தில் இணையப் புகழை இன்னும் ஈட்டி வருகின்றனர்.
இரட்டை நாயகியருடனான நாயகனின் காதல் கதையை கொண்ட, ‘காத்துவாக்குல் ரெண்டு காதல்’ திரைப்படத்தின் முக்கிய அறிவிப்பினை, 02.02.2022 அன்று அறிவித்து படத்தின் இயக்குநர் விக்னேஷ் சிவன் விளம்பர ஈர்ப்பை அள்ளினார். திரைப்படத்தின் டூடூ பாடலும் ஹிட் வரிசையில் சேர்ந்திருக்கிறது. இந்த பிப்.2 போல, இன்றைய தினமும் இரண்டுகளை கொண்டு அமைந்ததில், அமெரிக்க இரட்டையர் குடும்பம் மீண்டும் இணையத்தில் கொண்டாடப்பட்டு வருகிறது.
இரட்டையர் தந்தை, இரட்டையர் தாயார் என்று பிறந்த குழந்தைகள் இருவரும், இரட்டையரை ஒத்திருப்பது குறித்து மருத்துவர்களும் ஆராய்ந்து வருகின்றனர். முதல்கட்ட ஆய்வில் இரு குழந்தைகளும், இரட்டையராக இல்லாதபோதும் இரட்டையருக்கான மரபணுக்களை கொண்டிருந்தது மருத்துவ உலகை ஆச்சரியத்தில் ஆழ்த்தியுள்ளது.