புதுடெல்லி: காங்கிரஸ் தலைவர் மல்லிகார்ஜுன கார்கே கூறுகையில், ‘‘நவீன இந்தியாவின் சிற்பி நேரு. அவர் நாட்டை அடிமட்டத்திலிருந்து முன்னேற்றினார். அறிவியல், பொருளாதாரம், தொழில்துறை உட்பட பல துறைகளில் நாட்டை முன்னேற்றம் அடையச் செய்தார்’’ என்றார்.
எக்ஸ் தளத்தில் நேருவுக்கு புகழாரம் சூட்டிய ராகுல் காந்தி, ‘‘நவீன இந்தியாவையும், பல முன்னணி அமைப்புகளையும் உருவாக்கிய நாட்டின் முதல் பிரதமர் பண்டிட் ஜவஹர்லால் நேருவுக்கு மதிப்புமிக்க புகழாரம். நாட்டுக்கு அவர் ஆற்றிய பங்களிப்பை நாம் நினைவு கூர்கிறோம்’’ என குறிப்பிட்டார்.
எக்ஸ் தளத்தில் பிரதமர் நரேந்திர மோடி விடுத்த புகழாரத்தில், ‘‘நமது முன்னாள் பிரதமர் பண்டிட் ஜவஹர்லால் நேரு பிறந்த தினத்தில் அவரை வணங்குகிறேன்’’ என குறிப்பிட்டுள்ளார்.