மதுரை மீனாட்சியம்மன் கோயில் நாளை மூடப்படுவதாக கோயில் நிர்வாகம் அறிவித்துள்ளது.
மதுரையில் மீனாட்சி சுந்தரேஸ்வரர் கோயில் உள்ளது. உலகப்புகழ் பெற்ற இந்த கோயில் நாளை மூடப்படுவதாக கோயில் நிர்வாகம் தெரிவித்துள்ளது. இது தொடர்பாக கோயில் நிர்வாகம் வெளியிட்டுள்ள அறிக்கையில்", நவ.8-ம் தேதி பிற்பகல் நேரத்தில் 2.39 மணி அளவில் தொடங்கி மாலை 6.19 மணி வரை நிகழ இருக்கின்ற சந்திர கிரகணத்தினையொட்டி , அன்றைய தினம் கோயிலில் காலை 9.30 மணி தொடங்கி இரவு 7.30 மணி வரையிலும் சுந்தரேசுவரர் சுவாமி பலகனி மற்றும் மீனாட்சி அம்மன் கதவுகள் அடைக்கப்பட்டு நடை சாத்தப்படும்.
இதனைத் தொடர்ந்து, அன்றைய தினத்தில் நிகழவிருக்கும் அன்னாபிஷேகம் காலை 7 மணி அளவில் நடைபெறும். இதனுடன் இரவு 7.30 மணிக்கு நடை திறக்கப்படும் தருணத்தில் பக்தர்கள் சுவாமி தரிசனத்திற்காக அனுமதிக்கப்படுவார்கள். இந்த கோயில் மட்டுமின்றி மீனாட்சி அம்மன் கோயிலைச் சார்ந்த மற்ற 22 உபகோயில்களும் இதே நேரத்தில் நடை அடைக்கப்படும் " என தெரிவித்துள்ளது.