பத்தாம் வகுப்பு பொது தேர்வு முடிவுகள் இன்று காலை வெளியாகியுள்ள நிலையில், அரியலூர் மாவட்டம் முதலிடத்தையும், வேலூர் மாவட்டம் கடைசி இடத்தையும் பிடித்துள்ளன.
8 லட்சத்து 94 ஆயிரத்து 264 மாணவர்கள் தேர்வு எழுதிய நிலையில், 8 லட்சத்து 18 ஆயிரத்து 743 பேர் தேர்ச்சி பெற்றுள்ளனர். இது 91.55% ஆகும். மாணவர்களை காட்டிலும் 5.95 சதவீதம் அதிக அளவில் மாணவிகள் தேர்ச்சி பெற்றுள்ளனர். கடந்த 2023ம் ஆண்டு பொதுத்தேர்வில் தேர்வு எழுதிய மாணவர்களில் 91.39 சதவீதம் பேர் தேர்ச்சி பெற்றிருந்தனர். தற்போது தேர்ச்சி சதவீதம் அதிகரித்துள்ளது.
மொத்தம் 4105 பள்ளிகள் 100% தேர்ச்சி பெற்றுள்ள நிலையில், 1364 அரசுப் பள்ளிகள் 100% தேர்ச்சி பெற்று அசத்தியுள்ளன. 13 ஆயிரத்து 510 மாற்றுத்திறனாளிகள் தேர்வு எழுதிய நிலையில், 12,491 பேர் தேர்ச்சி பெற்றுள்ளனர். தேர்ச்சி சதவீதம் 92.45 சதவீதமாக உள்ளது. 260 சிறைவாசிகள் தேர்வு எழுதிய நிலையில் 228 பேர் தேர்ச்சி பெற்றுள்ளனர்.
97.31% தேர்ச்சியுடன் அரியலூர் மாவட்டம் முதலிடத்தை பிடித்துள்ளது. 97.02 சதவீதத்துடன் சிவகங்கை இரண்டாம் இடத்தையும். 96.36 சதவீதத்துடன் ராமநாதபுரம் மாவட்டம் மூன்றாவது இடத்தையும் பிடித்துள்ளன. கடைசி மூன்று இடங்களில் திருவண்ணாமலை 86.10%, ராணிப்பேட்டை 85.48%, வேலூர் 82.07% உள்ளன. சென்னை மாவட்டத்தின் தேர்ச்சி விகிதம் 88.21% ஆக உள்ளது.
இதையும் வாசிக்கலாமே...
பகீர்... ஓடும் பைக்கில் தீக்குளித்த காதலர்கள்!
'பாகுபலி’ 3-ம் பாகம்... கட்டப்பாவும் இருக்கிறார்... ராஜமவுலி கொடுத்த சூப்பர் அப்டேட்!
இளையராஜா புது டிரெண்ட் உருவாக்குகிறார்! - வழக்கறிஞர் சரவணன்
பிரஜ்வல் ரேவண்ணா விவகாரம்... நடிகை நமீதா கொடுத்த ’நச்’ ரியாக்ஷன்!